شێخێ ئه‌زهه‌رێ: دوڕنده‌ترین هزر پشكداریكرنا گه‌نجان ب هزار شه‌هیدبوونێ یه
ئه‌ڤرۆ نیۆز:
د كه‌نگره‌كێ نێڤده‌ولى دا كو ئه‌زهه‌رێ رێكخستى یه بۆ به‌رهنگاربوونا تیرورى ، شێخێ ئه‌زهه‌رێ ئه‌حمه‌د ئه‌لته‌یب تاوانێن به‌ربه‌ریێن داعشێ ل عیراقێ و سوریا روسا كرن.
شێخێ ئه‌زهه‌رێ د په‌یڤا خوه‌دا ل كونگرێ ناڤبرى كو زانایێن ئۆلى یێن 20 وه‌لاتان لێ ئاماده‌بوون گۆت: رێكخستن و گرۆپێن تیرۆرى یێن چه‌كدار توومه‌تێن به‌ربه‌رى شه‌رمه‌زارى لبن په‌رده‌یا ئۆلێ پێرۆز ئه‌نجامدده‌ن و ناڤێ ده‌وله‌تا ئیسلامى ل سه‌ر خوه‌دانایه كو بزاڤه‌كه وێنه‌یێ ئیسلاما خوه یا ب شاشى به‌لاڤ بكه‌ن.
شێخێ ئه‌زهه‌رێ هه‌روه‌سا دوپاتكر، تائیفه‌گه‌رى و مه‌زهه‌بیه‌ت دخوازیت وه‌لاتان به‌ر ب هه‌لوه‌شاندنێ و خزمه‌تێن خواسته‌كێن ده‌ره‌كى بكه‌ت، دیسان رونكر، دورنده‌ترین هزر پشكداریكرنا گه‌نجایه ب وان هزران ب ناڤێ جیهادێ، ب باوه‌ریا وان ئه‌و مرن و شه‌هید بن، زێده‌بارى وێ گۆت: دڤێت سه‌میان (وه‌لى ئه‌مر) ئانكو سه‌رۆك وه‌لات فه‌رمانا جیهادێ راگه‌هینیت نه‌ك گرۆپ و كوم وكومه راگه‌هاینن).
هه‌ژى گوتنێ یه كونگرێ به‌رهنگار بوونا تیرۆى ل قاهیره هاتیه ب رێڤه‌برن ب ئاماده‌بوونا 700 زانایێن ئاینێ ئیسلامێ و كریستیانان كو نوونه‌ریا 120 وه‌لاتان دكه‌ن.
