ل دهۆك ده‌ست ب چاندنا ترۆزيێن د خانيێن پلاستيكى دا هاته كرن
ئەڤرۆ نیوز، نەوزاد ھلۆری:
وەکو دەستپێشخەری بو ئێکەمین جار پرۆژەیەکێ تایبەت ب چاندنا ترەزیان ل ناحیا قەسروک یا سەر بە قەزا شێخان ل سنوورێ پارێ.گەھا دھۆک ھاتە چاندن ، و راوێژکارێ چاندنا قەسروکێ ژی دایە دیارکرن ئەگەر پرۆژە سەرکەفتی بوو رەنگە زێدەتر بھێنە چاندن.
ئەندازیار ئەنوەر عەبدولرەحمان بەرپرسێ راوێژکاریا چاندنا قەسروک بو ئەڤرۆ نیوز گۆت: (وەکو دەستپێشخەری و بو ئێکەمین جار ل سنوورێ پارێزگھا دھۆک و دەڤەرێ ، جوتیارەکێ بناڤێ نەجمەددین عەبدوللا وەکو تێست سێ خانویێن پلاستکی تایبەت ب چاندنا تروزیان چاندن و ئەم ژی ژلایی َخوڤە ب گورەی شیانان ھەموو جورە ھاریکاریان بو دکەین ب تایبەتید پێدانا زانیاری و راوێژکاریێ دا).
زێدەتر گۆت: (زەڤیێن سنوورێ قەزا شێخان ب گشتی و سنوورێ ناحیا قەسروک ب تایبەتی ب کێر ھەموو جورێن چاندنێ دھێن ، بەلێ بو چاندنا ترەزیان نەھاتیە تاقیکرن ، و ئەگەر پرۆژە سەرکەفتی بوو ، دێ داخوازێ ل جوتیاران کەین کو لسەر چاندنا تروزیان بەردەوام بن و زێدەتر بچینن).
راوێژکارێ ناڤبری د درێژاھیا ئاخفتنێن خودا دیارکر ژی کو گرنگترین تشت حوکمەت بو جوتیاران ب کەت پەیداکرنا بازارەکێ یە بو فروتنا بەرھەمێن جوتیاران و گۆت ژی: (رەنگە پشکەکا زور یا تروزیێن جوتیاری َناڤبری بو موسل بھێنە رەوانەکرن پشتی کوە اتیە ئازادکرن و خەلکەکێ زور ڤەگەرایە سەر مال و حالێن خوە).
چاندنا تروزیان ل پارێزگەھا دھۆک تشتەکێ نوویە و پێشتر بتنێ دناڤا خیاران ھاتینە چاندن و ب چوو شێوەیان لژێر خانویێن پلاستیکی نەھاتینە چاندن ، و ناھێتە زانین کا بوھایێ وان ژی دێ چەوا بیت بەلێ ھەردەم تروزی ل خیاران گرانترە ، ئەندازیار ئەنوەری ھوسا گوت.
