شاندەكێ حوكمەتا ئیراقێ سەرەخۆشی ل سەرۆك بارزانی كر
سەرۆك مەسعود بارزانی د ڕێوڕەسمێن بڕێڤەچوونا بەهییا خودێ ژێ ڕازی عەبدولواحد ئیبراهیم شێخ عەبدولسەلام بارزانی، پێشوازی ل شاندەكێ بلندێ حوكمەتا ئیراقێ كر كو دوهی سێشەمبی 8/9/2026 گەهشتبوو پیرمام.
شاندێ ناڤبری پێكهاتبوو ژ: موحسن مەندەلاوی، سەرۆكێ هەڤپەیمانییا ئەساس، فەرهاد ئەترووشی، جێگرێ سەرۆكێ جڤاتا نوونەرێن ئیراقێ، مستەفا سەنەد، وەزیرێ گەهاندنێ یێ ئیراقێ، ل گەل چەند وەزیر و بریكارێن وەزیران.
هەڤدەم ل گەل شاندێ ناڤبری، نوونەرێ سەرۆككۆمارێ ئیراقێ و هەژمارەك ژ ئەندامێن مەكتەبا سیاسی یا جڤاتا بلندێ ئیسلامی و شیرەتكارێن نڤیسینگەها سەرۆك وەزیران و وەزارەتا وەرزش و لاوان یا ئیراقێ، ب مەرەما پشكداریكرنێ د بەهییا خودێ ژێ ڕازی عەبدولواحد ئیبراهیم شێخ عەبدولسەلام بارزانی سەرەدانا باژێڕێ هەولێرێ كریە.
