عه‌ره‌بێن 75 پێشمه‌رگه شه‌هید كرین دڤێن ڤه‌گه‌رنه جه‌له‌ولا
ئه‌ڤرۆ نیۆز:
هێزێن پێشمه‌رگه‌ى رێ نه‌دانه سه‌رۆك هۆزێ كروییان و چه‌ند كه‌سێن دیێن عه‌ره‌ب كو بچنه داناڤا ناحیا جه‌لوه‌لا دا، به‌پرسێ میحوه‌رێ گه‌رمه‌سێر یێ هێزێن پێشمه‌رگه‌ى راگه‌هاند، ب هیچ شێوه‌كى ئه‌م رێ نادینه كه‌سێ بهێنه دناڤ ناحیا جه‌له‌والا دا كو زێده‌تر ژ 75 پێشمه‌رگه ل سه‌ر ده‌ستێن وانا هاتبنه شه‌هید كرن.
مه‌حمود سه‌نگاوى به‌رپرسێ میحوه‌رێ گه‌رمه‌سێر یێن هێزێن پێشمه‌رگه‌ى دداخویانیه‌كێ دا بۆ ده‌زگه‌هێن راگه‌هاندنێ گۆت: ژماره‌كا سه‌رۆك هۆز و كه‌سایه‌تیێن عه‌ره‌ب یێن سنورێ ناحیا جه‌لوه‌لا بزاڤان دكه‌ن بهێنه دناڤ ده‌ڤه‌را ناڤبرى دا، به‌لێ هێزێن پێشمه‌رگه‌ى ئه‌و ئاگه‌هدار كرینه كو ئه‌و نه‌شێن سه‌ره‌دانا ناحیا جه‌له‌ولا بكه‌ن.
مه‌حمود سه‌نگاوى ئاماژه‌دا ئه‌گه‌رێ رێنه‌دانا هێزێن پێشمه‌رگه بۆ چوونا سه‌رۆك هۆزێ كروییان بۆ ناحیا جه‌له‌ولا و گۆت: ڤێ هۆزا عه‌ره‌ب دده‌مێ شه‌رێ دژى داعشێ دا 75 پێشمه‌رگه ل سه‌ر ده‌ستێن وان هاتینه شه‌هیدكرن.
سه‌باره‌ت سه‌رۆك هۆزێ كروتیان ژ دیاركر، شێخ فه‌یسه‌ل سالح به‌رپرسێ ئێكێ یه دوان هێرشان دا، و هه‌موو ئه‌ندامێن هۆزا ناڤبرى د تاوانبارن، له‌ورا ناڤێن هه‌موو وان كه‌سان لنیك مه‌نه و به‌رده‌ستێن مه كو هاریكاریا داعشێ كرینه و كوڕین مه شه‌هید كرینه، له‌ورا ب هیچ ره‌نگه‌كێ ئه‌م رێ ناده‌ینه وان بهێنه جه‌له‌ولا.