ب وێنە: دخولا سوید دا دھۆکیەک ژ سێ یاریان دو جاران ب باشترینێ یاریێ ھاتە خەلاتکرن
ئەڤرۆ نیوز،ھەژار مەعروف:
سەرەرای خوسارەتیا یانا دالکورد ل گەل یانا ھاکین ژ چارچوڤێ یاریێن گەرا سێ ژ خولا نایابا سوید یاریزانێ کورد و یانا دالکورد رێوان ئەمین وەکو باشترین یاریزانێ یاریا ھاکین و دالکورد ھاتە ھەلبژارتن ژلایێ لژنەیا ھەلبژارتنا یاریزانێن حەفتیانە ل خولا سوید .
ھەژی گوتنێ یە کورێ باژێرێ دھۆکێ رێوان ئەمین بوو جارا دوێ یە ل وەرزێ ئەڤ سالە ب باشترین یاریزانێ یاریێ دھێتە خەلاتکرن پشتی ل یاریا حەفتیا ئێکێ ژی ل یاریا بەرامبەر ئایک ھاتیە ھەلبژارتن وەکو باشترینێ یارێ
وێنەیێ یاریا حەفتیا سیێ ژ خولێ پشتی یاریا دالکورد ل گەل ھاکین رێوان ئەمین ھاتە خەلاتکرن ب باشترین یاریزانێ یاریێ
وێنەیێ یاریا حەفتیا ئێکێ ژ خولا سوید پشتی یاریا دالکورد ل گەل ئایک رێوان ئەمین ھاتە خەلاتکرن ب باشترین یاریزانێ یاریێ
ھەژی گوتنێ یە رێوان ئەمین ل سالا ١٩٩٦ ل باژێرێ دھۆکێ ژ دایکبوویە پاش ل گەل خێزانا خوە بەر ب ئورۆپا چووینە و ل وەلاتێ ھولەندا دەست ب یاریا تەپا پێ کریە ل گەل یانا ھێرنڤین کو ئێک ژ مەزنرێن ھولەندا یە ل گەل ڤێ یانێ یازدە سالان یێ بەردەوام بوو ل تیمێن ١٣ سالی ھەتا ٢١ سالی کر و پاش ھاتە سەرێخستن بوو تیما ئێکێ لێ ل گەل وێ یانێ دەلیڤەیا خوە ب باشی نەدیتی و ل وەرزێ بوری ھەڤبەستا دالکورد ئیمزاکر و سەرکێشیا یانا خوە دالکورد کر بوو دەربازبوونێ بوو خولا پلا نایاب
رێوان ئەمین یاری بوو ھەلبژارتیێن ھولەندا یێ ١٤ و ١٥ سالی کریە ھەردیسان بوو ھەلبژارتیێ پێگەھشتیان و لاوێن ھولەندا یاری کریە
رێوان ب درێسێ یانا ھیرنڤین یا ھولەندی کو ماوێ سالەکێ یاری ل تیما ئێکێ کر لێ دەلیڤەیا کرنا یاریێ بوو وی یا کێم بوو پاش بەر ب دالکورد چوو
