ئەڤ گۆتنە زارۆیان دکوژن
ئه‌ڤرۆ:
پەیڤێن تە ھندەک رامانێن ڤەشارتی ھەنە تو نزانی، دبیت تو وەسا ھزر بکەی کو ئەو گۆتن و پەیڤ دێ زارۆیێ تە فێر کەت و رێیا دروست نیشا دەت، بەلێ د راستی دا تو پتر رەوشێ خراب دکەی و زیانێ دگەھینیە زارۆیێ بێی تو بزانی، ئەو چو گۆتنن کو نابیت تو بێژیە زارۆیێ خوە:
زەلام بە: یا گرنگ ئەوە زارۆیان فێر کەی دەربڕینێ ژ ھەستێن خوە بکەن، بەلێ ئەڤ گۆتنە “زەلام بە” دێ وەکەت ئەو بنڤیسن و نەشێن دەربڕینێ ژێ بکەن.
کچ و کوڕ وەناکەن: نەیا باشە تو رێ ل زارۆیێن خوە بگری بۆ ڤەدیتنا ھندەک تشتێن نوو کو دبیت داھێنانێ تێدا بکەن.
ئەز حەز دکەم تە ھندەک زارۆ ھەبن وەکو تەبن: دبیت تو ھزر بکەی ئەڤە باشە تو وەبێژی، بەلێ د راستی دا تویێ دبێژیە زارۆیێ خوە کو پەروەردەکرنا وی کارەکێ بزەحمەتە و نەخۆشیان چێدکەت و تە دڤێت بکەڤیتە ھەمان سەربۆر و ھەمان نەخۆشیان ببەت.
بەراوردیا وی ل گەل خووشک و برایێن وی نەکە: ئەڤە دێ زارۆیێ تە ئێخیتە بازنەکێ و دێ خەونا پێڤە بینیت رۆژەکێ ژێ دەرکەڤیت.
ھشبە: کەس حەز ژ ڤێ گۆتنێ ناکەت، بەلێ ھەکە بەردەوام تە گۆتە زارۆیێ خوە ئەو ژی دێ بێژیتە یێن دی.
تو بۆچی وەکو خووشک و برایێن خوە نابی: دێ زارۆیێ تە ھەست ب نەرازیبوونێ کەت و ب ڤێ چەندێ تو یێ جوداھیەکێ دئێخیە د ناڤبەرا زارۆیێن خوەدا.
بەس بکە گری ھەکە دێ تە ھێشتا گرینم: ئەڤ گۆتنە ژ بەرەبابکەکی بۆ یێ دی ھاتیە ڤەگوھاستن، بەلێ نوکە دڤێت تو بزانی کو ئەڤە گەفەکە ل سەر زارۆیێ تە.
بۆچی تو چو تشتان نزانی: زارۆ ب دوبارەکرنێ و شاشیان فێر دبن، بەلێ ھەکە ترس بۆ پەیدا بوو نەشێن چو تشتێن نوو تاقی بکەن.
چو ئەگەر نینن تو بترسی: ھەکە تە گۆتێ چو ئەگەر نینن تو بترسی ئەو تە ترسا وی نە ڤەرەڤاند، ل شوونا وێ چەندێ گوھێ خوە بدێ دا ئەگەرێ ترسا وی بزانی.
تو زارۆیەکێ خرابی: دەمێ تو وەدبێژیێ تو وەسا ھزر دکەی کو دێ رەوشتێ خوە گوھۆریت، بەلێ ئەڤە توندکرنا رەوشتێ ویێ خرابە.
کا بھێلە ئەز وێ بکەم: ھەکە بەردەوام تە شولێن زارۆیێن خوە کرن وەکو شووشتنا ددانان یان گرێدانا کەمەرێ و ئەنجامدانا ئەرکێن قوتابخانێ، ئەو چو جاران فێری وان کاران نابیت.