هه‌ولێر: ده‌ست ب سه‌ر چه‌ندين ماتۆرسكلان دا هاته گرتن
ئه‌ڤرۆ نيوز، فاتما مزوورى:
رێڤه‌به‌ريا پۆليسێن هاتنوچوونا هه‌ولێر راگه‌هاند كو ده‌ست ب سه‌ر ئه‌و ماتۆرسكلێن بێ ژماره و ده‌ستووريا هاژوتنێ دا هاتيه گرتن و بۆ خودانێن وان ناهێنه ڤه‌گه‌راندن.
فازل حاجى، په‌يڤدارێ رێڤه‌به‌ريا هاتنوچوونا پارێزگه‌ها هه‌ولێرێ ل سه‌ر په‌رێ خوه يێ تۆڕا جڤاكيا فه‌يسبۆكى به‌لاڤكريه كو ژ رۆژا ده‌سپێكرنا بجئينانا بڕيارا راگرتنا ماتۆرسكلێن بێ ژماره و بێ ده‌ستوورى هه‌تا نوكه زێده‌ترى 500 ماتۆرسكل هاتينه ده‌سته‌سه‌ركرن و گۆت: “دێ د به‌رده‌وام بين هه‌تا هه‌موو ماتۆرسكلێن بێ ژماره و بێ ده‌ستوورى رابگرين”.
داخواز ژى ژ وه‌لاتيان كريه كو ماتۆرسكلێن نه‌قانوونى و بێ ژماره نه‌كرن و ب كار نه‌ئينن.