رۆنكرنه‌ك ژ ديوانا سه‌رۆكايه‌تيا هه‌رێمێ
ئه‌ڤرۆ نيوز:
په‌یڤداره‌كێ دیوانا سه‌رۆكاتییا هه‌رێما كوردستانێ رۆنكرنه‌ك ل سه‌ر سه‌رۆكاتییا هه‌رێمێ به‌لاڤ كر و نوچێن ژماره‌كا كه‌نالێن راگه‌هاندنێ ره‌ت كرن.
د رۆنكرنا دیوانا سه‌رۆكاتیا هه‌رێما كوردستانێ دا هاتیه: پشتی پۆستێ سه‌رۆكێ هه‌رێمێ و جێگرێ وی ڤالا ماین، ل گۆره‌یی یاسایا پارڤه‌كرنا ده‌ستهه‌لاتێن سه‌رۆكاتیا هه‌رێمێ، ب سه‌ر سازیێن فه‌رمی یێن هه‌رێمێ دا هاتن پارڤه‌كرن، بودجا دیوانا سه‌رۆكاتیا هه‌رێمێ ل دووڤ یاسا و رێنمایان ژ ئالیێ وه‌زاره‌تا دارایی و ئابووری بۆ برێڤه‌برنا كارێن رۆژانه یێن دیوانێ هاتیه ته‌رخانكرن، سه‌رجه‌م فه‌رمانبه‌رێن دیوانا سه‌رۆكاتیێ و نڤیسینگه‌ها سه‌رۆكی و جێگرێ وی ماینه فه‌رمانبه‌رێن سه‌رۆكاتیا هه‌رێمێ و ده‌واما خوه یا ئاسایی دكه‌ن، تنێ پۆستێن سه‌رۆكێ هه‌رێمێ و جێگرێ وی هاتینه ڤالاكرن و پشتی مه‌سعود بارزانی و كۆسره‌ت ره‌سۆل عه‌لی وه‌ك سه‌رۆك و جێگرێ سه‌رۆكێ هه‌رێمێ ده‌ست ژ پۆستێن خوه به‌رداین، چ مووچه و بودجه بۆ نه‌هاتینه ته‌رخانكرن.