پۆليس و خودانێن پێشانگه‌هان فرۆتنا ترۆمبێلێن ب قست گه‌نگه‌شه‌كر

ئه‌ڤرۆ نيوز:

راگه‌هاندنا پۆليسێن پارێزگه‌ها دياركر كو ب مه‌ره‌ما نه‌هێلانا كێشێن ل سه‌ر فرۆتنا ترۆمبێلێن ب قست و سالنامێن سه‌خته‌ ئه‌و ب هه‌ڤكارى ل گه‌ل رێڤه‌به‌ريا هاتنوچوونا دهۆكێ ل گه‌ل خودانێن پێشانگه‌هێن ترۆمبێلان كۆمبوون.

نه‌قيب هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤرۆ پشكا پۆليسێن نه‌هێلانا گۆنه‌هباريان و رێڤه‌به‌ريا پۆليسێن باژێرى، رۆژهه‌لات ب هه‌ڤكارى ل گه‌ل رێڤه‌به‌ريا هاتنوچوونا پارێزگه‌ها دهۆكێ كۆم بوون”.

زێده‌تر گۆت: “ئه‌ڤ كۆمبوونه‌ ب مه‌ره‌ما نه‌هێلانا ئاريشان بوو ل دۆر فرۆتنا ترۆمبێلێن ب قست و سالنامێن ترۆمبێلان يێن سه‌خته‌ و داخواز ژ خودانێن پێشانگه‌هان كر كو هاريكاريا وان ب كه‌ن دا كو كێشێن د ڤى ده‌رباره‌يى دا نه‌هێلن”.

کۆمێنتا تە