بۆمبەکا مەزن دناڤا رێزێن هەلبژارتیێ ئەرجەنتین دپەقیت
ئەڤرۆ نیوز ، زنار تۆڤی :
میدیایێن ئەرجەنتینێ بەلاڤە کریە کو چەند یاریزانێن ئەرجەنتینی پشتی وێ خوسارەتیا گران بەرامبەر کرواتیا، کۆمبووینە و بریار دایە کو سامپاولیێ راهێنەر د سێیەم یاریا واندا ژ یاریێن مۆندیالا ٢٠١٨ ل روسیا ئەو راهێنەرە سەرکرداتیا تانگۆ نەکەت.
لدووڤ نووچەیێن رۆژنامەڤانی یێن ئەرجەنتینی یاریزانێن وی هەلبژارتی پشتی یاریا کرواتیا گوتیە سامپاولیێ راهێنەر نابیت د یاریا ئەرجەنتین بەرامبەر نایجیریا تۆ راهێنەر بی، ئەو راهێنەرە ژی رازی بوویە و دهێتە چاڤەرێ کرن ل رۆژانێن داهاتیدا هەموو تشت ب فەرمی ئاشکرا ببیت و ئێکەتیا تتەپا پێ یا ئەرجەنتینێ ژی بریارا دووماهیێ بدەت.
ل شەڤا بوری هەلبژارتیێ ئەرجەنتین د ئەنجامەکێ قورس و گراندا ب سێ گۆلێن بێ بەرسڤ ل هەمبەری هەلبژارتیێ کرواتیا خوسارەت بوو، ب ڤێ چەندێ مەترسیا سەرنەکەفتنێ بۆ قۆناغا داهاتی لێ دهێتە کرن.