دوو کەس ب گرانی برینداربوون
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن : د روودانەکا هاتنوچوونێ دا دوو کەس ب گرانی برینداربوون.
ناڤهاتی زێدەتر دا دیارکرن: ل رۆژا سێشەمبی ٢٠١٨/٦/٢٦ ل سەر جادا سەرەکی یا دناڤبەرا پارێزگەها دهۆکێ دا بو قەزایا شێخان و ل گەلیێ دێرکێ روودانەکا هاتنوچوونی ژ جۆرێ لێکدان پەیدابوویە د دناڤبەرا دوو ترومبێلان دا کو ترۆمبێلەک تایبەت تۆیۆتا کرولا بوویە ل گەل ترۆمبێلەکا کرێ دوج و د ئەنجامدا دوو کەس ب گرانی بریندار بووینە و هەروەسا زیانێن مادی ژی گەهشتینە هەردوو ترومبێلان.