دڤێ حه‌فتیێ دا ئاگرڤه‌مراندنا دێره‌لۆك پێنج حاله‌تێن ئاگرى كونترۆل كرینه
ئەڤرۆ نیوز، مه‌حمود نهێلى
دڤێ حه‌فتیێ دا پتر ژ پێنج جاران، روودانێن ئاگر به‌ربوونێ ل دارستانێن سنورێ ناحیا دێره‌لۆك دروست بوویه، و د ئه‌نجام دا چه‌ندین دونه‌مێن دارستانێ و پیش و په‌له‌خى هاتینه سوتن.
جیدارێ ئێكى ئیحسان سه‌نعان، به‌رپرسێ بنگه‌هێ به‌ره‌ڤانیا باژێرى ل دێرلۆكێ بۆ ئه‌ڤرۆ نیوز دیاركر، كو ئه‌و شیانه دڤێ حه‌فتیێ دا پێنج حاله‌تێن ئاگرى كونترۆل بكه‌ن، و گۆت” ئه‌ڤ حاله‌تێن ئاگر به‌ربوونێ پتریا وان ل دارستانێ بووينه و پیش و په‌له‌خ هاتیه سوتن و زیانێن مه‌زن ل په‌ى نه‌بوونه ژ به‌ركو ئه‌م شیاينه ب زووترین ده‌م كونترۆل بكه‌ین و نه‌هێلین ئاگر بگه‌هیته چیا و جهێن ئاسێ و ره‌ز و باغێن وه‌لاتیان”
ناڤبرى دیار ژى كر, هه‌ر دڤێ حه‌فتیێ دا ئه‌و هاتینه ئاگه‌هداركرن ل سه‌ر روودانه‌كا ئاگرى ل دوكانه‌كا جلكێن بالا ل سه‌نته‌رێ ناحیا دێره‌لۆك، هه‌ر چه‌نده دره‌نگى شه‌ڤ ژى بوویه، لێ ئه‌و زوو گه‌هشتنه جهێ روودانێ و نه‌هێلایه زیانێن مه‌زن بگه‌هنه دوكانێ و هاته كونترۆلكرن”.