عيراقێ ههيڤا بۆرى زێدهترى سێ مليۆن بهرميلان هنارتينه ژ دهرڤه
ئهڤرۆ نيوز، فاتما مزوورى:
عيراق د مهها خزیرانا دهرباس بووی ده، رۆژانه سێ ملیۆن و 521 ههزار بهرمیلێن پهترۆلی ههناردهیا دهرڤه دكهت.
ب بهراورد ب مهها دهرباس بووی ده، ئاستا ههناردهیا پهترۆلێ داكهتیه، ههروهها وهزارهتا پهترۆلا عيراقێ ئامارا ههناردهیا پهترۆلێ د مهها حزیرانا دهرباس بووی ده راگههاندیه: كو د مهها دهرباس بووی ده رۆژانه سێ ملیۆن و 521 هزار بهرمیلێن پهترۆلێ، ل كێلگهیین باشوورا ناڤهراست، ژبۆ دهرڤه هاتیه ههناردهكرن.
تهڤایا پهترۆلا ههناردهكریا ڤێ مههێ، گههایه 105 ملیۆن و 640 بهرمیلان.
د دهمهكی ده، د مهها ئهیارا دهرباس بووی ده، عيراقێ 108 ملیۆن و 194 هزار بهرمیلێن پهترۆلێ ههنارده كرینه.
ل گۆری وهزارهتا پهترۆلا عيراقی د مهها حزیرانا دهرباس بووی ده، چو رێژهیهكه پهترۆلێ ل كێلگهیێن پهترۆلا كهركوكێ نه هاتینه ههناردهكرن.
ههروهسا راگههاندیه: تهڤایا داهاتێن ب دهست هاتیێن پهترۆلێ، د مهها دهرباس بووی ده، گههایه حهفت ملیار و 320 ملیۆن دۆلاران و بهرمیلهكه پهترۆلێ ژی ب 69 دۆلار و 32 سهنتان هاتیه فرۆتن.