کومپانیەکا کەنەدی نووترین ترومبێلا دفریت درۆستکر
ئەڤرۆ نیوز، نەوزاد ھلۆری:
کومپانیەکا کەنەدی دیارکر کو ئەوان شیانێن فرینێ بو نووترین جورێ ترومبێلێ درۆستکرد و کو بھایێ وێ مینا بھایێ ترومبێلەکا ژ جورێ کروس روڤەرە.
ب گورەی زانیاریێن کومپانیا ئوبنەر یا کەنەدی ئەو ترومبێل بناڤێ بلاک فلایەرە و ژلایێ وان وەکو نووترین ترومبێل ھاتیە چێکرن و شیانێن فرینێ لسەر ھاتینە چێکرن و دشێت چەند کەسەکان ھەلبگریت ب مەرجێ نابیت کێشا وان ھەمووان ژ 144 گرامان ببووریت.
دەزگەھێن میدیایی بەلاڤکریە کو درۆستکرنا ئەڤی جورێ ترومبێلێ جورەکێ شوروشا پێشەسازی یە و دشێت 25 میلا بفریت و شیانێن لەزاتیا 62 میلا د دەمژمێرەکێ دا ھەیە و شیانێن شەحنکرنێ ھەنە و بھایێ وێ ژی مینا ترومبێلا کروس روڤەرە.
ب گورەی زانیارێن کومپانیێ ئەو کەسێ کو وەکو شوفێر لسەر وێ ترومبێلێ دکەت پێدڤی یە د خولەکا مەشق و راھێنانان دا ببوریت ھەتاکو بشێت ب ساناھی شوفێریا وێ بکەت.