ب وێنه: عیراقێ راهێنه‌ره‌کێ ئوروپی زێده‌تر ژ ملیون دولاران ل هه‌ولێرێ ئیمزاکر
ئه‌ڤرۆ نیوز،هه‌ژار مه‌عروف:
ئێکه‌تیا ته‌پا پێ یا عیراقێ پشتی چه‌ندین دانوستاندنان ل گه‌ل هژماره‌کا راهێنه‌رێن به‌رنیاس ل سه‌ر ئاستێ هه‌لبژارتیێن ئورۆپی به‌ری چه‌ند ده‌مژمێران ب فه‌رمی گه‌هشتنه رێککه‌فتنێ ل گه‌ل
راهێنه‌رێ سلوفینی و هه‌لبژارتیێ سلوفینیا ستريشكو كاتانيش ل هه‌ولێرا یایته‌ختێ کوردستانێ پشتی راهێنه‌رێ ناڤبری و بریکارێ وی دوهی گه‌هشتی نه هه‌ولێر و هه‌ر هه‌مان شه‌ڤ کومبوون ل گه‌ل وی و بریکارێ وی هاته‌کرن.
ژێده‌ره‌کێ نێزیک ژ ئێکه‌تیا ته‌پا پێ یا عیراقێ بۆ ئه‌ڤرۆ نیوز دیارکر هه‌ڤبه‌ستا راهێنه‌رێ ناڤبری بوو سێ وه‌رزان هاتیه ئیمزاکرن و بۆ هه‌ر سالێ راهێنه‌ر و ستاڤێ ل گه‌ل وی دێ کوژمێ ئێک ملیون و ٢٠٠ هه‌زار دولاران وه‌رگرن
راهێنه‌ر كاتانيش به‌ری نوکه سه‌رپه‌رشتیا چه‌ندین هه‌لبژارایێن ئورۆپی کریه ژ ئه‌وانا ١٩٩٦ هه‌تا ١٩٩٨ هه‌لبژارتیێ ئولومپیی سلوفینیا و ١٩٩٨ راهێنه‌رێ هه‌لبژارتیێ جورجیا و ١٩٩٨ هه‌تا ٢٠٠٢ راهێنه‌رێ هه‌لبژارتیێ سلوفینیا بوو، ٢٠٠٢-٢٠٠٣ یانا ئولومپیاکوس یا یونانی و ٢٠٠٦ هه‌تا ٢٠٠٩ راهێنه‌رێ هه‌لبژارتیێ مه‌قدونیا و ٢٠٠٩ بوو ٢٠١١ هه‌لبژارتیێ ئیمارات و ژ سالا ٢٠١٣ هه‌تا ٢٠١٧ راهێنه‌ریا هه‌لبژارتیێ سلوفینیا بوو، هه‌ردیسان وه‌کو یاریزان ل یانا سامبدوریا یا ئیتالی یاریه‌کریه و هه‌لبژارتیێ یوگسلافیا
