به‌رپرسا سياسه‌تا ژ ده‌ڤه‌ر يا ئێكه‌تيا ئۆرۆپا دێ هێته كوردستانێ
ئه‌ڤرۆ نيوز:
به‌رپرسا سياسيه‌تا ژ ده‌ڤه‌ريا يا ئێكه‌تيا ئورۆپا رۆژا سێشه‌مبيا داهاتى دێ سه‌ره‌دانا هه‌ولێر كه‌ت و ل گه‌ل سه‌رۆكێ هه‌رێما كوردستانێ كۆم بيت.
ب گۆره‌يى نووچه‌يه‌كێ مالپه‌رێ راديۆيا نێڤده‌وله‌تى يا فره‌نسا، به‌رپرسا سياسه‌تا ژ ده‌رڤه يا ئێكه‌تيا ئورۆپا، فه‌دريكا موگرينى رۆژا دوشه‌مبيا بهێت دێ ل به‌غدا ل گه‌ل حه‌يده‌ر عه‌بادى سه‌رۆك وه‌زيرێن عيراقێ و سه‌ليم جبۆرى سه‌رۆكێ جڤاتا نوونه‌رێن عيراقێ و ئيراهيم جه‌عفه‌رى وه‌زيرێ ژ ده‌رڤه يێ عيراقێ كۆم بيت و رۆژا سێشه‌مبى دێ هێته هه‌رێما كوردستانێ و دێ چاڤ ب مه‌سعود بارزانى سه‌رۆكێ هه‌رێما كوردستانێ كه‌ڤيت.
هه‌ر ب گۆره‌يى هه‌ما ژێده‌ر د ده‌مێ هێرشا پێشمه‌رگه‌يى و هێزێن ئه‌منى يێن عيراقى بۆ سه‌ر داعش، پشكا په‌يوه‌نديان ل ئێكه‌تيا ئورۆپا رۆژا ئه‌ينى ئه‌ڤ ده‌نگوباسه به‌لاڤكر.
بڕياره د ڤێ سه‌ره‌دانێ دا، به‌رپرسا سياسه‌تا ژ ده‌رڤه يا ئێكه‌تيا ئه‌ورۆپا د ڤێ سه‌ره‌دانێ دا داكوكيێ ل سه‌ر پشتگيريا سياسه‌تا ئابوورى و جڤاكى يا ئورۆپا بۆ هه‌رێما كوردستانێ و عيراقێ بكه‌ت.