سوبەھی دھۆک و زاخۆ دێ روو ب رووى ئێك بن
ئەڤرۆ نیوز، ھەژار مەعروف:
بڕیارە سوباھی ل دەمژمێر سێ ل یاریگەھا یانا دھۆک یا سیێ یاریەکا ھەڤالینی د ناڤبەرا ھەردو یانێن دھۆک و زاخۆ بھێتە ئەنجامدان ژ بوو خوە بەرھەڤکرن بۆ یاریێن بھێت د خولا عیراقێ یا پلا نایاب دا پشتی ل ماوێ بوری خول ھاتیە راوستاندن.
ل دۆر ڤێ یاریێ راھێنەرێ یانا دھۆک حازم سالح بۆ ئەڤرۆ نیوز دیارکر تیما وان یا بەردەوامە ل سەر یاریێن خوە ژ بەر کو تیما خولا کوردستانێ ھەمان تیم یا پشکدار د خولا عیراقێ دا، لێ ل سەر داخوازیا راھێنەرێ زاخۆ ئەوان ئەڤ یاریا ھەڤالینی کر ژ بەر کو تیما زاخۆ یاریەکا گرنگ ھەیە ل رۆژا ھەینیا بھێت.
ناڤبری ئاماژە ب وێ چەندێ ژی کر بۆ ڤێ یاریێ ئەو ھەتا رادەکی دێ مفایی ژێ بینن ژ بەر کو شەش ھەتا حەفت یاریکەرێن وی ھەنە ب تنێ ناڤێ وان ل خولا عیراقێ نە و زێدەباری وێ چەندێ دەرفەتێ دەتە ئەوان یاریکەرێن خولا کوردستانێ ئەوێن دووماھی یاری پشکداری نەکری.