سه‌رۆك بارزانی: زانایێن ئایینێ ئیسلامێ فەرهەنگا پێکڤە ژیانێ ل کوردستانێ بەلاڤەکریە
ئەڤرۆ نیوز ، زنار تۆڤی:
سه‌رۆك مه‌سعود بارزانی ب هه‌لكه‌فتا 48 مین سالیادا دامه‌زراندنا ئێكه‌تیا زانایێن ئایینێ ئیسلامێ ل كوردستانێ په‌یامه‌كا پیرۆزباهیێ بەلاڤکر.
د په‌یاما خوە دا سه‌رۆك بارزانی گۆتیە: ئێكه‌تیا زانایێن ئایینێ ئیسلامێ ل كوردستانێ، هه‌ر ژ ده‌ستپێكا دامه‌زراندنا خوه ل سه‌ر ده‌ستێ جه‌نابێ بارزانیێ نه‌مر و هەتا نوکە، ل هه‌موو قوناغێن ب زه‌حمه‌ت و دژوار دا رۆله‌كێ كاریگه‌ر هه‌بوو د مۆكومكرنا بنه‌مایێن خودانیاسی و به‌لاڤه‌كرنا فه‌رهه‌نگا پێكڤه‌ژیانێ و هشیار كرنا ته‌خ و چینێن جڤاكێ كوردستانێ.
هەروەسا سەرۆک بارزانی دیارکریە ژی: من رێز هه‌یه بۆ رۆل و كارتێكرنا ئێكه‌تیا زانا و مامۆستا، کو زه‌لامێن ئایینی یێن كو رێ ل وه‌رارا هزرا تۆندرەویێ و ره‌تكرنێ ل ناڤا خه‌لكێ كوردستانێ گرتی و د ره‌وشێن ب زه‌حمه‌ت و ئالۆز دا پشته‌ڤانی ل دۆزا ره‌وا یا گه‌لێ کوردستانێ كریه.
