ته‌قه‌يا خوشيێ پێنج وه‌لاتيێن سلێمانيێ كرنه قوربانى
ئه‌ڤرۆ:
د به‌ياننامه‌كێ دا، رێڤه‌به‌ريا پۆليسێن سلێمانيێ كوشتن و برينداربوونا پێنج كه‌سان ژ ئه‌گه‌رێ ته‌قه‌يا خوشيێ ل سنورێ وێ پارێزگه‌هێ راگه‌هاند و ته‌كست ل سه‌ر وێ چه‌ندێ كر كو ژ ئه‌گه‌رێ روودانێن ته‌قه‌كرنا چه‌ند رۆژێن بۆرى دو وه‌لاتيان گيانێ خوه ژ ده‌ست دايه و سێ ژى بريندار بووينه.
به‌ياننامێ ئاماژه ب وێ چه‌ندێ ژى كريه كو چار كه‌س ب تاوانا ته‌قه‌كرنێ هاتينه ده‌سته‌سه‌ركرن پشتى كو ده‌ست ب سه‌ر چه‌ك و ترۆمبێلێن وان دا هاتيه گرتن و رێكارێن قانوونى دێ ل هه‌مبه‌ر هێنه وه‌رگرتن.
پۆليسێن سلێمانيێ داخوازێ ژ وه‌لاتيان دكه‌ت كو هه‌ر كه‌سێ پێزانين يان به‌لگه هه‌بن ل سه‌ر كه‌سانێن ته‌قه كرين هێزێن پۆليسان ئاگه‌هدار بكه‌ن و ژێ خواست خوه ژ ته‌قه‌كرنێ ب پارێزن.
ئه‌ڤه د ده‌مه‌كى دايه كو ئه‌ڤا بۆرى پشتى جڤاتا نوونه‌رێن عيراقێ به‌رهه‌م سالح ڤه‌گه‌ريايێ هه‌ڤپه‌يمانيێ بۆ ناڤ رێزێن ئێكه‌تيێ كريه سه‌رۆك كۆمار، لايه‌نگرێن ئێكه‌تى ته‌قه‌يا خۆشيێ كر و ژ ئه‌نجامێ ڤێ چه‌ندێ ژى وه‌لاتيه‌ك ل سنورێ چه‌مچه‌مال ل ناڤ مالا خوه و ئێكێ دژى ل سه‌نته‌رێ باژێرێ سلێمانيێ هاتنه كوشتن.
