دخوازیت پارتی ب وێ سەنگا هەی پشکداریێ د حوکمەتا نوو یا عیراقێ دا بکەت
ئەڤرۆ نیوز ، زنار تۆڤی:
ئەڤرۆ ئێکشەمبی 7 چریا ئێکێ، برێت مەکگۆرگ هنارتیێ تایبەت یێ سەرۆکێ ئەمریکا د هەڤپەیمانیا نێڤدەولەتی یا د ژی داعشێ ل عیراقێ دیدارەک ل گەل مەکتەبا سیاسیا پارتی ئەنجامدایە و تێدا دیارکریە کو ئەو ھیڤیدارە پارتی ب وێ سەنگا ھەی پشکداریێ د حوکمەتا نوو یا عیراقێ دا بکەت.
ئەڤرۆ مەکتەبا سیاسی یا پارتی دیموکراتی کوردستانێ ب سەرپەرشتیا سکرتێرێ مەکتەبا سیاسی فازل میرانی، ل گەل برێت مەکگۆرک، ھنارتیێ تایبەتێ سەرۆکێ ئەمریکا و بالیۆزێ ئەمریکا ل عیراقێ و شاندەکێ ل گەل دا کۆمبوویە.
د وێ سەرەدانێ دا مەکگۆرکی سەرکەفتنا پارتی د ھەلبژارتنێن پەرلەمانێ کوردستانێ ل پارتی دیموکراتی کوردستان پیرۆز کر و ژێ خواست، کو پارتی ب وێ سەنگا کو ھەی، پشکداریێ د حوکمەتا نوو یا عیراقێ دا بکەت، د هەمان دەمدا مەکگۆرکی رۆلێ پارتی بۆ سەرخستن و کاراکرنا حوکمەتێ ب گرنگ وەسفکر.
ژلایێ خوە ڤە سکرتێرێ مەکتەبا سیاسی یا پارتی جەخت ل بنەمایێن ھەڤسەنگی و رێککەفتن و هەڤپشکیا ھەموو پێکھاتێن عیراقێ د پێکئینانا حوکمەتا نوویا عیراقی دا کریە.