26 سال ل سەر ژیێ رادیۆیا دهۆكێ دەربازبوون
ئەڤرۆنیۆز ، سالار دۆسكی:
26 سال ل سەر ژیێ رادیویا دهۆكێ دا دەربازبوون، هێشتا د گەنجاتیێ دایە، رێڤەبەرێ رادیۆیا دهۆك دبێژيت كو رادیۆ بەردەوام دگوهۆرینێ دایە.
موسلح یاسین، رێڤەبەرێ رادیۆیا دهۆكێ بۆ ئەڤرۆ نیۆز گۆت كو 26 سال ل سەر ژیێ رادیۆیا دهۆكێ دا دەربازبوون، بەخشێ وێ دگەهیتە هەولێر و دهۆكێ و رۆژئاڤايێ كوردستانێ هەتا دگەهیتە قامشلۆ و باكورێ كوردستانێ ژی هەتا دگەهیتە شەرنەخێ، رادیۆیا دهۆكێ چار بەرنامێن رۆژانە يێن هه‌ين و 16 بەرنامێن حەفتیانە و 15 رۆژان جارەكێ يێن هه‌ين.
رێڤەبەرێ رادیۆیا دهۆكێ ئەو ژی گۆت: خولێن رادیۆیا دهۆكێ شەش هەیڤی و ئێك سالی نە و بەرنامە دهێنە گوهۆرین و دەرگەه ڤەكرینە ب رێيا پرۆگرامێن زندی بۆچوونێن خەلكی دهێنە وەرگرتن ل سەر كێماسیا رادیۆیێ و كا گوهداران چ دڤێت و پێشنیارێن وان دهێنە وەرگرتن و ئەو ڤالاهی دهێنە پركرن هەكە پرۆگرامەكێ گرنگ بیت.
ئاماژه دا كو راديۆ دهۆكێ پتر ب پرۆگرامێن نەتەوی یا ب ناڤودەنگە، لێ بیاڤێن دی ژی پشتگوه نەهاڤێتینە و بیاڤێن (ساخلەمی، گەشتوگوزارێ، چاندن، سیاسی) وراديۆ زمان حالێ خەلكێ دهۆكێ یە و وب زارێ خەلكێ دهۆكێ دئاخڤیت، لەوما خەلكێ دهۆكێ ب رادیۆیا خوه ددانن.