حوکمه‌تا هه‌رێمێ دێ گۆژمەکێ پارەی بۆ ڤێ تەخێ خه‌رج کەت
ئەڤرۆ نیوز ، زنار تۆڤی:
نێچیرڤان بارزانى سه‌رۆكێ حوکمه‌تا هه‌رێما كوردستانێ بڕیاردایە کو گۆژمێ 100 ملیۆن دۆلاران بۆ به‌لێنده‌ران خه‌رج بكەت.
سه‌رۆ دزه‌یی، سه‌رۆكێ لقا هه‌ولێرێ یێ ئێکەتیا به‌لێنده‌رێن هه‌رێما كوردستانێ گۆتیە، پشتی کو سه‌رۆكێ حوکمه‌تێ بڕیاردای بۆ خه‌رجكرنا گۆژمێ 100 ملیۆن دۆلاران بۆ به‌ڵێنده‌ران و بۆ ڤێ مه‌به‌ستێ ژی هه‌ر ئێك ژ ده‌سته‌یا بلند یا ئێکەتیا به‌لێنده‌ران و سه‌رجه‌م لقێن وێ و هه‌ردو وه‌زاره‌تێن پلاندانانێ و دارایی كۆمبوونه‌ک ئه‌نجامدایه به مه‌رەما چاوانیا خه‌رجكرنا وی گۆژمێ پاره‌ی كو بڕیاره ئەو پاره د له‌ماوێ سێ ڕۆژان دا بهێتە خه‌رجکرن.
ئەو ژی گۆتیە : لدووڤ وێ میكانیزما هاتیە دانان ژ وان 100 ملیۆن دۆلارێن هاتینە ته‌رخانكرن 25 ملیۆن دۆلار بۆ وان پڕۆژانه یێن د قۆناغێن دووماهیێ دا، دیسا 75 ملیۆن دۆلارێن دیتر بۆ شایستێن به‌لێنده‌رانه كو ماوێ چه‌ند سالانە ل دەف حوکمه‌تا هەێمێ.
هەروەسا گۆتیە، وان سۆز ژ سه‌رۆكاتیا حوکمه‌تێ وه‌رگرتیه کو قه‌رێن به‌لێنده‌ران کو ب گۆژمێ ئێک ملیار دۆلارانه ل دەف حوکمەتێ، کو دێ حوکمەت هەیڤانە ل دەمێ خودا وی پارەی ژی دەت.