سەقاناسیا کوردستانێ: سوبەهی دێ باران باریت
ئەڤرۆ نیوز ، زنار تۆڤی:
رێڤەبەریا گشتی یا سەقاناسی و بیڤەلەرزان ل ھەرێما کوردستانێ پێشبینێن سەقایی د 48 دەمژمێرێن بهێن دا بەلاڤکرینە و لدووڤ پێشبینیێن وان سوبەهی ل چەندین دەڤەران دێ باران باریت.
رێڤەبەریا سەقاناسی و بیڤەلەرزان ل ھەرێمێ پێشبینیێن خوە د 48 دەمژمێرێن داهاتی دا دیارکرینە، هەروەسا و لدووڤ پێشبینیێن وان ئەڤرۆ ئەینیێ دێ ئەسمانێ ھەرێمێ د ناڤبەرا نیڤ ساهی و نیڤ عەوری دابیت و ئەگەرێ باران بارینەکا هوور ل هندەک جهێن جۆدا دا ھەیە.
هەروەسا لدووڤ پێشبینێن سەقاناسیا ھەرێمێ سوبەهی شەمبیێ دێ ل هەموو پارێزگەھێن هەرێمێ ئەسمان د ناڤبەرا نیڤ عەوری بۆ عەورێن تەمام دا بیت و ئەگەرێ باران بارینێ ژی هەیە.
