بۆچى ژ ههمیان ههولێر هاته ههلبژراتن؟!
بهردخان زاویتهى
ل گۆر پۆلینكرنا دهیلى میل یا بریتانى كو ل 25/10/2018 هاتیه وهشاندن، باژارێ ههولێرێ یا كوردستانى دهێته هژمارتن وهكو یا پێنجێ بۆ سهقامگیریا خوه ل سهرنسهرى جیهانى پشتى باژارێن ئهبۆ زهبى یا ئیماراتى و دهوحه یا قهتڕى و ئاوسكا یا یابانى و كیۆبیك یا كهنهدى! ههروهكو رۆژنامێ پشتبهستى دپۆلینكرنا خوهدا كریه ههژمارهكا خال و داتایان و گهلهك مفا ژ پێزانینێن سایتێ نۆمبیۆ وهرگرتینه كو ژ هێزترین سایتێن كۆمكرنا پێزانینان دهێته زانین و پشتبهستیێ دكهت ل سهر وهرگرتنا بۆچوونێن گهشتیاران ژ وان دهڤهرێن سهرهدانان لێ دكهن و رێژهیا ئارامیێ و تاوانێ و ژینگههێ و ساخلهمیێ و رێیان و هندهك تشتێن دیتر. ئهڤجا ههما ب تنێ ب بهرێخودانهكێ بۆههبوونا باژاریێ ههولێرێ دناڤبهرا وان باژاران دا دهێته دانان وهكو كریارهكا گهلهكا مهزن و نهچاڤهرێكرى ئهو ژى ژ بهر گهلهك ئهگهران و ژبهر كو ئهوا ههولێرا پایتهختا ههرێمێ تووشبوویى ژ قهیرانان و گهفێن مهزن و گهلهك! باشه بۆچى ههولێر هاتیه ههلبژارتن وهكو ئێك ژ پێج باژارێن پتریا وان د سهقامگیر ل سهرنسهرى جیهانى؟! بهرسڤ د وێ ئێكێ دایه ههكه ئهم بۆ پاشڤه بوڤرین و نهبۆ گهلهكێ؟ نا زڤرینه بیرئانینا وى سایتى. دهمێ ئاژاوێ و نهبوونا ئێمناهیێ و كوشتن و دزینا ب چهك یا عیراقێ ههمیێ ب خوهڤه دگریت و هێشتا ژى یا بهردهوامه و ههتا ئهڤرۆ ههرێم ژى مایه ب پارتهختێ خوه ههولێر ڤه دوور ژڤان جۆره كریاران و تیرۆرێ و گهفێن بهردهوام!! بهلێ دێ زڤرینه ب تنێ بۆ وان چار سالێن بۆرین و ئهوا ههولێر تووشبوویێ ژ شهرێ ل گهل داعش و ئاوارهبوونا پتر ژ دوملیۆن كهسان بۆ ههرێمێ و دۆرپێچا ئابوورى و دارایى و دپلۆماسى یا بهغدا سهپاندیه سهر ههولێر و مایتێكرنێن بهردهوام یێن وهلاتێن ههرێماتیك د كاروبارێن ههرێمێ دا و ئازراندنا فتنه و ئاریشه و قهرانان. ههروهسا قهیرانێن سیاسى یێن هندهك لایهنێن سیاسى پهیداكرین ل ناڤا ههرێمێ ژ خوهنیشادانان و سۆتنا ئاڤاهیان و ژكارخستنا دهوامێ و پهیداكرنا ئاژاوێ، ئهڤ ههمى ههرهشه یێن باژارێ ههولێرا پایتهخت تووشبوویێ، ههكه باژارهكێ دیتر ل جیهانێ تووشببایێ، نوكه ئهو ب سهرى هاتبوو یا ب سهرێ حهلهب یا سوورى و مووسل یا عیراقى هاتى!!
بهلێ ژ بر خۆراگرى و هیمهتا حوكمهتێ و سیاسهتا وێ یاسهركهفتى و تێكۆشانێن جڤاتا پاراستنا ههرێمێ و خهمخۆریا وێ ل سهر پاراستن و ئهولههیا ههڤهوهلاتیان و سازیێن ههرێمێ و گهشتیارێن وێ و پلانێن بهردهوام یێن هاتینه دانان بۆ پاراستنا وێ ژ ئهجیندهیێن دهرهكى و گهفێن تیرۆرستان و شكاندنا دۆرپێچا بهغدا دانایى و ئهو قهیرانا پهیداكری! بوویه ئێك ژ ئارامترین باژارێن جیهانێ. ل ڤێره ژى رۆلێ گهلێ كورد ژى ناهێته ژبیركرن كو بۆ جیهانێ سهلماندیه كو ئهو گهلهكێ رهسهنه حهزژ ژ ژیارێ و ئازادیێ دكهت و بهایێ مرۆڤاتیێ دزانیت و رێزێ ل ئازادیا ئاینى و بیروباوهریێ و مهزههبى دكهت و باندۆرا پێكڤهژیانا ئاشتیانه ل سهر ئهولههیا جڤاكى و سهرهراى تووشبوونا ڤى مللهتى ژ دهردهسهرى و نههێلان و ههوێن ئهنفالان یێن رژێمێن پێشین پێ رابووین و یێن نها پهیرهو دكهن ل دهمێ دهلیڤه بۆ دهێته پێش كو وێ ئێكێ بكهت، بهلكو وانهیهك دایه جیهانێ و رژێمێن ل دهڤهرێ و میناكهك بۆ هزرا بلند و مرۆڤاتى و ڤهكرنا دهریێن خوه بۆ دینى ئهو دینێ وان دوهى شهرێ وى كرى و دهربهدهر كرى دا وان ژ نهخۆشیا تیرۆرێ بپارێزیت و و مههزههبیهتێ بخهندقینیت دا كو ئهولههیى ل ههرێمێ ببینت، هۆسا ب ڤى مێشكى نه تنێ ههولێر بهلكو ههر بهۆستهكا ههرێمێ و كوردستانێ ههژى یه ببیته ئێمنترین دهڤهرێن جیهانێ. ههر كوردهك ل ههر پارچهكا ڤێ جیهانێ شانازى ب ڤێ جۆره دهسكهفتى ببهت و بزانیت ئهو كارێ مهزنێ حوكمهتا ههرێمێ پێ رابووى و دهزگههێن ئهولههیێ كو میدیا جیهانى ب ڤێ رهنگى پۆلین بكهن. تشتهكێ نۆرماله كو ئهوێن دوهى رێك ل بهرامبهر دوژمنێن دۆزا كوردى ڤهكری كو نه دمرتاح بن، دا كو ههولێرێ داگیربكهن و ئهوێن ب چهندین رێك و شێوازان هاری وان كرى. ب ڤێ جۆره پۆلینكرنێ و بكهڤنه د ههلویستهكێ بهرتهنگ دا، ل ههمبهرى ئهوێن باوهر ژ درهوا خوه یا بهردهوام كرین و باژارێ ههولێر وهسا دایه دیاركرن د مێشكێ هندهك خهلكى دا كو باژارهكێ پاشڤهمایى یه و پۆلیسى یه و كهفتیه ل ژێر زالبوونا هزار عهشیرهتگیرى، و چهندین تهسهور یێن بهرزه پهیداكرین بێ بنیاتهك ژ راستیێ، و گومان خستیه د دلێ گهلهكان دا ب میدیا یا خوه یا نه یا ئازاد و برێڤهبرى ژ لایێ ئهجیندیێن دهرهكى كو ڤى نووچهى وهكو بریسیهكێ ل سهر خوه ببینن، ههر وهكو بهرێ بزاڤ دكرن كو ئهو تشتێ رۆژناما بریتانى بهلاڤ كری دهربێخن درهو، بهلێ ههكه ئهو رۆژنامهه یا بریتانى نهبا، دبیت گهلهكان ژى باوهر ژ دهروا وان كربا.
و/ ئهڤرو
