سه‌ره‌كى Facebook مانشسته‌ر سيتى سه‌ركه‌فتنه‌كا مه‌زنتر تۆماركر وسه‌ركێشيا خۆلا ئينگليزى ژ لێڤه‌رپۆل وه‌رگرت
مانشسته‌ر سيتى سه‌ركه‌فتنه‌كا مه‌زنتر تۆماركر وسه‌ركێشيا خۆلا ئينگليزى ژ لێڤه‌رپۆل وه‌رگرت
ئه‌ڤرۆنيوز:
ئه‌ڤرۆ دچارچۆڤێ گه‌را 11 ژ خۆلا ئينگليزى يا ته‌پا پێى يانا مانشسته‌ر سيتى سه‌ركه‌فتنه‌كا مه‌زن ل سه‌ر مێهڤانا خوه يانا ساوسهامبتۆن ب ئه‌نجامێ 6-1 تۆماركر.
گۆلێن مانشسته‌ر سيتى ل خۆله‌كێن 6 ( ياريكه‌رێ ساوسهامبتۆن ويسلى ب شاشى ڤه ل گۆلا خوه تۆماركر) و12 ژلايێ سيرجيۆ ئه‌گويرۆ و18 ژلايێ داڤيد سيلڤا و 45 و67 ژلايێ ره‌حيم ستيرلينگ و90 ژلايێ ياريكه‌ر ليروى سانى ڤه هاتن تۆماركرن وگۆلا ئێكانه يا ساوسهامبتۆن ل خۆله‌كا 30 ژلايێ ياريكه‌رێ وى دانى ڤه هاته تۆماكرن.
ب ڤى ئه‌نجامى يانا مانشسته‌ر گه‌هشته خالا 29 ورێزا ئيكێ درێزبه‌ندا خۆلا ئينگليزى ژ يانا لێڤه‌رپۆل وه‌رگرت كو خودانا 27 خالايه پشتى دوهى شه‌مبيێ ل ده‌رڤه‌ى ياريگه‌ها خوه ل گه‌ل يانا ئه‌رسنال ب ئه‌نجامێ 1-1 وه‌كهه‌ڤ بووى، يانا ساوسهامبتۆن ژى ب 7 خالان ل رێزا 16 دهێت.