وەزیرێ دارایی یێ عیراقێ: حوکمه‌تا عیراقێ دێ پشته‌ڤانیێ ل كه‌رتێ تایبه‌ت كه‌ت
ئەڤرۆ نیوز:
وه‌زیرێ دارایی یێ عیراقێ راگەهاندیە: کو حوکمه‌تا نوو دێ پشته‌ڤانیێ ل كه‌رتێ تایبه‌ت كه‌ت.
نڤێسینگه‌ها وه‌زیرێ دارایی یێ عیراقێ ئاشکراکریە: کو فوئاد حسێنی پێشوازی ل سیریل نان، بالیۆزێ ئه‌لمانیا ل به‌غدا كریە و هه‌ردو ئالیان دوپاتی ل سەر پێشخستنا په‌یوه‌ندیێن دارایی كریە.
فوئاد حسێنی وه‌زیرێ دارایی یێ عیراقێ د كۆمبوونێ دا دیارکریە: کو پلانێن حوکمەتا عیراقێ دێ دوباره ئاڤه‌دانكرن و پێشخستنا سێكته‌رێن ئابووری و پێشكێشكرنا خزمه‌تگۆزاریان و ده‌لیڤێن كاری بن ژبۆ خەلکێ عیراقێ.
ژ لایێ خوه ڤه، بالیۆزێ ئه‌لمانیا به‌رهه‌ڤیا وه‌لاتێ خوه بۆ پشته‌ڤانیا حوکمه‌تا عیراقێ ژ بۆ ئاڤاکرنا هەموو سازیان و بەرقراربوونا سیسته‌مێ دیمۆكراتی نیشاندایه