١٢٠ کەس ل سەر مادێن ھۆشبەر ھاتینە دەستەسەرکرن
ئەڤرۆ نیوز، لەزگین جوقی
ژێدەرکی ژ ئاسایشا زاخۆ بۆ ئەڤرۆ نیوز دیار کر کو ئەڤرۆ رۆژا ٢٢/١١/٢٠١٨ ئاسایشا قەزا زاخۆ ئامارا دەستەسەرکرنا ١٢٠ کەسان ژ بەر ب کارئینانا مادێن ھۆشبەر راگەھاند و داخواز ژ ھەموو دایک و بابان کر ئاگەە ژ زارۆکێن خوە ھەبن و گەنج خوە دوور بکەن ژ ڤان مادێن مەترسیدار.
ھەمان ژێدەر دیار کر کو بازرگان و بکارئینەر و بەلاڤکەر د ناڤ ڤان کەسێن دەستەسەرکری دا ھەنە ھندەک ژی خەلکێ دەرڤەی سنوورێ ھەرێما کوردستانێ نە و ھندەک ژی خەلکێ زاخۆ نە ژ وان ژی کچ و ژن ژی د ناڤ دەستەسەرکریان دانە.
