گارە ھێرشبەرەکێ خولا عیراقێ ئینا
ئەڤرۆ نیوز:
راھێنەرێ تیما تەپا پێ یا گارە دیارکر ئەڤرۆکە پیشەکارەکێ عیراقێ پەیوەندی ب رێزێن تیمێ کر بۆ یاریێن خولا پلە ئێکا کوردستانێ.
زێدەتر ئاشتی مستەفا تایبەت بۆ ئەڤرۆ نیوز ئاشکرا کر کو ئەڤرۆکە ھێرشبەرێ یانا کەرخ عەلی حسێن گەھشتیە دھۆکێ پێخەمەت پەیوەندیکرن ب رێزێن تیما تەپا پێ یا گارە بۆ ھەڤرکیێن خولا پلە ئێکا کوردستانێ و دێ پشکداریێ د یاریا سوبەھی ھەمبەر یانا خانەقین پشکدار بیت ژ گەرا دویێ یا کوما دویێ.
ناڤھاتی ئاماژە دا وێ چەندێ ژی کو پیشەکارێ وان بەری نوکە ل دەسپێکا ڤی وەرزی چار یاری دگەل یانا کەرخ قشکداری کریە لێ ژبەر ھەبوونا کێشەیان دگەل راھێنەرێ خوە یانە بجە ھێلایە ھەتا قوناغا دویێ یا خولا عیراقێ.
