ترامپ داخوازا مليارا دۆلاران ژ عيراقێ دكه‌ت
ئه‌ڤرۆنيوز:
سه‌رۆكێ ئه‌مريكى دونالد ترامپ ل كۆچكا سپى ب حه‌يده‌ر عه‌بادى سه‌رۆك وه‌زيرێن عيراقێ يێ به‌رێ راگه‌هاندبوو كه ئه‌مريكا دخوازيت عيراق قه‌ره‌بوويا له‌شكرێ ئه‌مريكى ب پاره‌ى وپه‌ترۆلێ بكه‌ت، ل به‌رامبه‌ر ژناڤبرنا رژێما سه‌دامى ل سالا 2003 .
مالپه‌رێ (ئاكسيۆز) يێ ئه‌مريكى به‌لاڤكر” دچارچۆڤێ كۆمبوونه‌كا ترامپى ل گه‌ل عه‌بادى، ترامپى دو جاران ب عه‌بادى گوتبوو كو پێدڤيه عيراق ب په‌ترۆلا خوه قه‌ره‌بوويا وان زيانين ب ئه‌مريكا كه‌فتين ل به‌رامبه‌ر ژناڤبرنا رژێما سه‌دامى ول ده‌مێ پرۆسا شه‌رێ عيراقێ تووشى ئه‌مريكا وله‌شكرێ وێ بووين”.
چه‌ند ژێده‌ران ل كۆچكا سپى بۆوى مالپه‌رێ ئه‌مريكى دياركر كو ترامپى گوتبوو عه‌بادى، ئه‌مريكا ب ترليۆنان دۆلار بۆ عيراقێ يێن خه‌رج كرين وعيراقێ ژى په‌ترۆل يا هه‌ى وپێدڤيه چاره‌يه‌كێ بۆ وێ په‌ترۆلێ ببينن، دبه‌رسڤێ دا ژى عه‌بادى گوتبوو ترامپى ( سه‌رۆك ترامپ وه‌كو تو يێ ئاگه‌هدار گه‌له‌ك كۆمپانيێن ئه‌مريكى يێن ل عيراقێ وكارى دبوارێن په‌ترۆلێ وغازێ دا دكه‌ن).
