سه‌نديكا ده‌رمانسازان: به‌رپرس نينين ژ ئينانا ده‌رمانێن قاچاغ و ده‌م ب سه‌رڤه‌چوويى
ئه‌ڤرۆ نيوز:
سه‌نديكا ده‌رمانسازێن كوردستانێ، دلته‌نگيا خوه ل سه‌ر وێ چه‌ندێ كو “ده‌رمانێن قاچاخ و ماوه ب سه‌رڤه‌چوويى” بووينه ئه‌گه‌رێ وێ چه‌ندێ كو ژماره‌كا ده‌رمانخانان هاتينه داخستن.
ب گۆره‌يى راگه‌هاندنه‌كێ كو وێنه‌ك ب ده‌ست ئه‌ڤرۆ نيوز كه‌فتيه، سه‌نديكا ده‌رمانسازێن كوردستان ته‌كستێ ل سه‌ر وێ چه‌ندێ دكه‌ت كو سه‌نديكايێ “ب چو ره‌نگه‌كى لايه‌ن نينه” د ئينان و دابينكرنا ده‌رمانان بۆ هه‌رێما كوردستانێ و ده‌ست ل گه‌ل ئينانا ده‌رمانێن قاچاغ و ده‌م ب سه‌رڤه‌چوويى ڤه د ئێخينه ستوويێ ئه‌وان لايه‌نان كو به‌رپرسن ژ دابينكرنا ده‌رمانان و سه‌ر ب وه‌زاره‌تا ساخله‌ميێ نه.
هه‌ڤده‌م د دلته‌نگين سه‌ر وێ چه‌ندێ كو هه‌موو جورێن ده‌رمانان د ناڤ بازارێن هه‌رێما كوردستانێ دا نينن.
د پشكه‌كا دى يا راگه‌هاندنێ دا كو رۆژا 26ى چريا دويێ 2018 به‌لاڤكريه ئاماژه ب وێ چه‌ندێ ژى كريه كو چو ژ به‌رپرسێن سه‌نديكايان “زێده‌تر ژ ده‌رمانخانه‌كێ يان كۆگه‌هه‌كا ده‌رمانان نينه” و ل دووڤ گۆتنا وان ب گۆره‌يى قانوونا سه‌نديكا ده‌رمانسازان، نابيت زێده‌تر ژ ئێك ده‌رمانخانه د ستوويێ وى دابيت.
ئاماژه ب وێ چه‌ندێ ژى كر كو سه‌نديكا ده‌رمانسازان داخواز ژ لايه‌نێن په‌يوه‌نديدار كريه كو هه‌ر چ كێم و كاسى د وارێ ده‌رمانان دا كو د راگه‌هاندنه‌كێ دا د واره‌كێ زۆر هه‌ستيار دا وه‌سفكر، نه‌بيته “به‌نيشتێ خوشێ ده‌ڤێ ميديايان”. ب گۆره‌يى راگه‌هاندنێ دێ وێ ژى كارتێكرنه‌كا خراب ل سه‌ر لايه‌نێ ده‌روونى يێ وه‌لاتيان هه‌بيت.
ل دووماهيێ دا هاتيه “بلا ئه‌م هه‌موو دۆر بين ژ پرۆپاكندا و راگه‌هاندنا تێكدانێ ده‌ست بێخينه ناڤ ده‌ستێ ئێك و بزاڤا چاره‌سه‌ركرنا هه‌ر كێموكاسيه‌كێ بده‌ين كو وارێ ده‌رمانان دا هه‌يه”.
