فەرماندەکێ لەشکرێ ئیرانێ ل عیراقێ ھاتە کوشتن
لەشکرێ ئیرانێ دوھی ئێکشەمبی د بەیاننامەکێ دا کوشتنا فەرماندەکێ خوە ل باژێرێ سامەرا ل عیراقێ راگەھاند.
د بەیانناما لەشکرێ ئیرانێ دا ھاتیە” عەمید تەقەوی د دەمێ ئەنجامدانا ئەرکەکێ شێرەتکاریێ دا بۆ لەشکرێ عیراقێ دژی تیرۆرستێن داعشێ ھاتە کوشتن”.
ل دووڤ دەزگەھێن راگەھاندنێ یێن ئیرانی چەندین سەربازێن ئیرانی کو پشکداری د پێشکێشکرنا شیرەتان دا بۆ لەشکرێ عیراقێ و سووریێ دژی تیرۆرستان، ل وان ھەردو وەلاتان یێن ھاتینە کوشتن. دیسا چەندین وێنێن جەنەرال (قاسم سلێمانی) فەرماندێ فەیلەقا قودس یا ئیرانی دگەل لەشکرێ عیراقی بەلاڤکرینە بێ کو دەم و جھێ گرتنا وان وێنەیان دیار بکەن.
