پشتی چار وەکھەڤیان دھۆکێ ب سەرکەفت
ئەڤرۆ نیوز:
ژ یاریێن گەرا نەھێ یا خولا ھەرێما کوردستانێ تیما تەپا پێ یانا دھۆک پشتی چار وەکھەڤیان شیا یاریا خوە یا ئەڤرۆ دا سەرکەفتنەکا مەزن ل سەر یانا ئارارات توماربکەت ب سێ گۆلان بێ بەرامبەر.
د نیڤا ئێکێ دا یاریزانێن یانا دھۆک ب تمامی کونترولا یاریێ کربوو شیان دو گۆلان ب رێکا حەیدەر عەبدولرەزاق و ئەحمەد سەبری تومار بکەن و نیڤا ئێکێ ب ڤی ئەنجامی ب دووماھی بینن.
د نیڤا دویێ دا یاریزانێن دھۆک ل دەسپێکا یاریێ شیان گۆلا سیێ ژی ب رێکا یاریزان حەیدەر عەبدولرەزاق توماربکەن و یاریێ ب سێ گۆلان بێ بەرامبەر ب دووماھی بینن و ھژمارا خالێن خوە بکەنە ١٧ خال و پێشڤە بھێتە رێزا ئێکێ ب جوداھیا گۆلان ب شێوەکێ بەروەخت.