هونەرمەندەکا كورد پێشانگەهەكا تایبەت ب ئالایێ كوردستانێ ڤەكر
ئەڤرۆ نیۆز ،رەمەزان هەرنی:
هونەرمەند چوڤین تاهر ب هەلكەفتا روژا ئالا پێشانگەهەكا تایبەت ڤەكرو بۆ ئەڤرۆ نیۆز گوت : وەك هەستكرن ب بەرپرسیاریەتیێ بۆ روژا ئالا من هەست كر كو كارەك جودا بكەم ل گەل كومەكا قوتابیا مە پێشانگەها ئاڵا رێكخست و ل گەل چەندین چالاكیێن دی و نیشاندانا شانویەكێ لسەر ئالای د هەمان روژ دا.
چوڤین گوتژی : پرانیا ئەو ئالایێن هاتیە نیشاندان ل پێشانگەهێ دا دێ دیاری مالباتێن كەس و كارێن شەهیدێن سەر بلندێن كوردستانێ كەین وەك وەفایەك بەرامبەر قوربانی دانا كەس و كارێن وان بۆ پاراستنا ئالایێ كوردستانێ ، بەریا نوكەژی پێشانگەهەكا تایبەت ب وێنەیێن پێشمەرگەیان و شەهیدا مە ڤەكر دێ بەردەوامبین لسەر پاراستنا پیروزیێن وەلاتێ خوە.