خانمەكا ئاكرێ هەڤبەستا یانا هەولێرێ ئیمزاكر
ئەڤرۆ نیوز، محەمەد عەلی نوری:
ب فەرمی كچا باژێرێ ئاكرێ كاژین فەرزندە تاها هەڤبەستا یانا هەولێرێ ئیمزاكر، ژبۆ پشكدار دگەل تیما وان یا تەپا دەستی خوە بەرهەڤكرن بۆ وەرزێ نوو یێ خولا پلا نایابا عیراقێ ئەوا بریارە هەڤركیێن وێ ل ناڤەراستا شۆباتا سالا بهێت دەستپێبكەن.
كاژين فه‌رزنده بۆ ئەڤرۆ نیوز گۆت: هەڤبەستا من دێ بۆ ده‌مێ ئێك وەرز ب دانا مووچەكێ هەیڤانە بیت و دێ پشكداریێ ل گەل تیما تەپا دەستی یا یانا هەولێرێ كه‌م و يا كەیفخووشم وەكو كچەكا كورد ل گەل هەلبژارتیێ عیراقێ و یانا هەولێرێ پشكدار بوویمە و دێ هەموو بزاڤان كەم باشترین ئاست پێشكێش بكەم و جهێ خوە وەكو یاریزانەكا هەلبژارتیێ عیراقێ پارێزم.
كاژینێ دیاركر كو ل وەرزێ بۆری یاریزانا یانا قەلا بوو و شیا باشترین ئاست و ئەنجام نیشان بدەت و بۆ ئەگەر یانا هەولێرێ پووتەدانێ ب شیانێن وێ بدەت و هەڤبەستێ دگه‌لدا ئیمزابكەت.
گۆت ژى، سەرباری هەبوونا هەڤبەستێن گرانبوها ژ یانێن ناڤەراست و باكورێ عیراقێ تایبەت قارەمانێن خۆلا، به‌لێ ژبەر نەبوونا ئارامیێ و نە باوەریێ و دیسا یانا هەولێر یا پایتەختێ هەرێما كوردستانێ یە، من ب شانازی ڤە هەڤبەستا وێ ئیمزاكریە.