ئاهەنگەک بۆ زارۆیێن بێ سەمیان ل دهۆکێ هاتە گێڕان
ئەڤرۆنيوز، رێوار مزیری:
ب هەلکەفتا هاتنا سالا نوو رێڤەبەریا گشتی یا رەوشەنبیری و هونەری ل دهۆکێ ب هەماهەنگی ل گەل رێڤەبەریا چاڤدێری و گەشەپێدانا جڤاکی ل دهۆکێ ئاهەنگەک بۆ زارۆیێن بێ سەمیان ئەڤرۆ رۆژا 30/12/2018 ب ئامادەبوونا بەهزاد عەلی ئادەم جێگرێ پارێزگەرێ دهۆکێ و رێڤینگ هرۆری سەرۆکێ دەمکی یێ پەرلەمانێ کوردستانێ و چەندین رێڤەبەرێن دامودەزگەهێن حزبی و حکومی و ب پشکداریا چەندین سترانبێژان ل خوارنگەها وودن هاوس ل دهۆکێ گێرا.
کامیران مەرعی، ژ رێڤەبەریا گشتی یا گشتی یا رەوشەنبیری و هونەری ل دهۆکێ بۆ ئەڤرۆ نیوز دیار کر کو ئەڤ ئاھەنگە ب ھەلکەفتا سەرێ سالا نوو بوو 52 زارۆیێن بێ سەمیان ژ کچ و کوران کو د بێ دایک و بابن و ژ ئالیێ رێڤەبەریا چاڤدێری و گەشەپێدانا جڤاکی ل دھۆکێ ڤە دھێنە ب خودانکرن هاتە گێران و گۆت:” دڤێ ئاهەنگێ دا چەندین دیاری ل سەر وانزارۆیانهاتنەبەلاڤکرن”.
