سلێمان ره‌مه‌زان: یاریا سوبه بزه‌حمه‌ترین یاریه
ئه‌ڤرۆ نیوز، قه‌یس
بریاره سوباهى یاریێن گه‌را ده‌هێ ژ قوناغا ئێكێ یا خۆلا كۆردستانێ برێڤه بچن
و تێدا یانا زێره‌ڤانى سه‌ركێشا خۆلێ دێ مێهڤانداریا یانا هه‌ولێر كه‌ت ب مه‌ره‌ما به‌رده‌وامى دان ب سه‌ركێشیا خولێ ویانا هه‌ولێر دێ بزاڤێ كه‌ت ئێكه‌مین خوساره‌تى بگه‌هینته یانا زێره‌ڤانى.
راهێنه‌رى زێره‌ڤانێ سلێمان رمه‌زان دیاركر ئه‌و كاودانێن نوكه یانا زێره‌ڤانى تێدا دبوریت ژ نه‌پشكداریا چوار یاریكه‌رێن سه‌ره‌كى دێ ئه‌ركێ زێره‌ڤانێ بزه‌حمه‌ت لێكه‌ت به‌رامبه‌ر هه‌ولێرێ و دوماهیك دوراندن بۆ یانا زێره‌ڤانى لسه‌ر ده‌ستێ یانا هه‌ولێرێ بوو .
ناڤبرى دیاركر وێ باوه‌ریه‌كا مه‌زن ب یاریكه‌رێن خوه هه‌یه بۆ توماركرنا سه‌ركه‌فتنێ و به‌رده‌وامى دا ل سه‌ر كێشیا خولێ.
ژلایه‌كێ دیڤه یاریكه‌رێ هێلا به‌ره‌ڤانى بێوار حه‌سه‌ن دیاركر ئه‌ركێ وان بزه‌حمه‌ته به‌رامبه‌ر یانا هه‌ولێرێ به‌لێ ئه‌و د به‌رهه‌ڤن بۆ سه‌ركه‌فتنێ و پێشكێشكرنا ئاسته‌كێ باش به‌رامبه‌ر جه‌ماوه‌رێ یانا خوه و رێگرتن به‌رامبه‌ر هێرشبه‌رێن هه‌ولێرى بۆ توماركرنا گولان.
ل دوماهیێ هێرشبه‌رى زێره‌ڤانى میران كه‌ریم دیاركر وان ل سه‌ر خالێن لاواز و بهێز ل یانا هه‌ولێر كار كریه و دێ فشارێ سه‌ر كه‌ن بۆ توماركرنا سه‌ركه‌فتنێ ل سه‌ر یانا هه‌ولێر ومفا وه‌رگرتن ژ خالێن لاواز ل ده‌ف یانا هه‌ولێر و بده‌ست ڤه برنا سێ خالێن یاریێ.
