ئێكبوونا رسوماتێن گۆمركى دێ بيته ئه‌گه‌رێ ئه‌رزانبوونا كه‌ره‌ستان؟
ئه‌ڤرۆنيوز:
ئه‌ندامێ ژۆرا بازرگانى وپيشه‌سازى ل پارێزگه‌ها هه‌ولێرێ، ماجد جه‌لال دداخۆيانيه‌كا رۆژنامه‌ڤانى دا گۆت” ئێكبوونا رسوماتێن گۆمركى ل عيراقێ وهه‌رێما كوردستانێ كارتێكرنا ئێكسه‌ر ل سه‌ر لڤينا بازارى وئاستێ هنارتنێ وهنارده‌كرنێ ل هه‌رێمێ نابيت”.
گۆت ژى” هه‌كه كارتێكرن ل پاشه‌رۆژێ هه‌بيت ژى ، يا مه‌زن نابيت كو ببيته ئه‌گه‌رێ گرانبوون يا ئه‌رزانبوونا بهايێ كه‌ره‌ستان”.
ژلايێ خوه‌ڤه سيروان حسێن، به‌رپرسێ راگه‌هاندنێ وپه‌يوه‌نديان ل ده‌رگه‌هێ حاج عومران يا سنورى يێ نێڤده‌وله‌تى گۆت”پشتى ئێكبوونا رسوماتێن گۆمركى گوهۆرين ب رێژا 30% ل دۆر وه‌رگرتنا باجێ ل سه‌ر كه‌ره‌ستان په‌يدابوويه”.
دياركر” گوهۆرينێن مه‌زن ل دۆر بده‌ستڤه‌ئينانا باجێ نه‌هاتيه كرن، به‌لكو ئه‌و گوهۆرين ژ هنده‌ك كه‌ره‌ستان گرتيه”.
