ئه‌ڤ ياريكه‌ره ژى ل ريال مه‌دريد نامينيت
ئه‌ڤرۆنيوز:
راپۆرتێن رۆژنامه‌ڤانى يێن ئيسپانى، ئه‌ڤرۆ سێشه‌مبى 19/2/2019 به‌لاڤكرن كو ياريكه‌رێ به‌رازيلى ( مارسيلۆ) به‌ره‌ڤانێ يانا ريال مه‌دريد ل گه‌ل رێڤه‌به‌رێ گشتيێ يێ ريال خوسێه سانشێز كۆمبوويه ودلته‌نگيا خوه ژ ره‌وشا ئه‌و نوكه تێدا دناڤ ريزێن ريال مه‌دريد.
ل دووڤ وان راپۆرتين رۆژنامه‌ڤانى، مارسيلۆى برياردايه رێزێن ريال مه‌دريد ل دووماهيا ڤى وه‌رزى بجه بهێليت.
مالپه‌رێ ‘СОРЕ’ به‌لاڤكر كو مارسيلۆ ل ڤێ دووماهيێ ل گه‌ل به‌رپرسێن يانا ريال مه‌دريد كۆمبوويه وحه‌زا خوه بۆ بجه هێلانا رێزێن ريال ل دووماهيا ڤى وه‌رزى دياركريه.
مارسيلۆ ل سالا 2007 هاتيه دناڤ رێزێن ريال مه‌دريد دا ول ڤێ دووماهيێ تووشى ره‌خنێن دژوار بوويه ژبه‌ر هاتنا خوارا ئاستێ وى، ول چه‌ندين ياريێن بۆرى يێن ريال مه‌دريد مارسيلۆ ل ناڤ رێزێن ياريكه‌رێن يه‌ده‌ك دابوو، پێشبينى ژى دهێنه كرن هه‌كه مارسيلۆ ژ ريال مه‌دريد بچيت، دێ گه‌هيته كريستيانو رونالدۆى ل يانا يوڤه‌نتوس يا ئيتالى.
