وه‌زاره‌تا كاره‌بێ:ده‌مێ پێدانا كاره‌بێ بۆ وه‌لاتیان دێ زێده بیت
ئه‌ڤرۆنیوز:
به‌رپرسه‌كێ وه‌زاره‌تا كاره‌بێ ل هه‌رێما كوردستانێ راگه‌هاند، ل هه‌یڤا داهاتێ وه‌زاره‌تا كاره‌بێ پلان یا هه‌ى كو ده‌مێ پێدانا كاره‌بێ بۆ وه‌لاتیان بۆ 20 ده‌مژمێران درۆژه‌كێ دا بهێته زێده‌كرن.
محه‌مه‌د هه‌ورامى، شیره‌تكارێ وه‌زاره‌تا كاره‌بێ ل هه‌رێمێ دداخۆیانیه‌كا رۆژنامه‌ڤانى دا گۆت” ژ ئه‌گه‌رێ كێمبوونا پێلا سه‌رمایێ، پێدانا كاره‌بێ بۆ وه‌لاتیان دێ زێده بیت، نوكه شه‌ڤ ورۆژ 12 ده‌مژمێرێن كاره‌بێ بۆ وه‌لاتیان دهێنه دان، هه‌كه پێله‌كا سه‌رمایێ هه‌بیت، دێ كێمتر هێته دان.
خویاكر ژى” ژئه‌گه‌رێ زێده‌بوونا به‌رهه‌مئینانا غازا سروشتى، پتریا ویستگه‌هێن كاره‌بێ ب غازا سروشتى كار دكه‌ن ومه‌زاختیێن وان ل سه‌ر حوكمه‌تێ یێن كێم بووین”.
