كه‌سوكارێن ده‌ستێ تيرۆرێ وقوربانيێن كريارێن تيرۆرستى دێ هێنه قه‌ره‌بووكرن
ئه‌ڤرۆ نيوز:
ئه‌ندامه‌كا په‌رله‌مانێ عيراقێ راگه‌هاند، كه‌سوكارێن شه‌هيدێن ده‌ستێ تيرۆرێ وقوربانيێن كريارێن تيرۆرستى ب گشتى، دێ هێنه قه‌ره‌بووكرن.
هه‌دار بارزانى، ئه‌نداما لژنا شه‌هيدان وزيندانيێن سياسى ل په‌رله‌مانێ عيراقێ ژ فراكسيۆنا پارتى د داخۆيانيه‌كێ دا گۆت” كه‌سوكارێن شه‌هيدێن ده‌ستێ تيرۆرێ وقوربانيێن كريارێن تيرۆرستى ب گشتى، ل دووڤ مادێ 20 دێ هێنه قه‌ره‌بووكرن”.
دياركر ژى” مه په‌يوه‌ندى ب بريكارێ وه‌زاره‌تا شه‌هيد وئه‌نفالكريان ل هه‌رێما كوردستانێ كريه، ئه‌وان ژى گۆت كو هه‌موو تشته‌ك يێ به‌رهه‌ڤه، تنێ مايه داخواز ژ حوكمه‌تا عيراقێ ولايه‌نێن په‌يوه‌نديدار بهێته كرن بۆ وێ چه‌ندێ لژنه ده‌ست بكاربيت بۆ قه‌ره‌بووكرنا قوربانيێن ده‌ستێ تيرۆرێ”.
