شەش خولێن بێ بەرامبەر ھاتنە ڤەکرن
ئەڤرۆ نیوز، عەلی حاجی :
ب مەرەما باشترکرنا شیانێن گەنجان دبوارێن مێدیایی دا رێڤەبەریا گشتی یا رەوشەنبیری و ھونەری ل پارێزگەھا دھۆکێ رابویە ب ڤەکرنا چەندین خولێن مێدیایی بۆ گەنجێن قەزایێن زاخۆ و ئامێدیێ.
شوکری ئیسماعیل ژ رێڤەبەریا گشتی یا رەوشەنبیری و ھونەری ل پارێزگەھا دھۆکێ بۆ ئەڤرۆ نیوز دیار کر ئەو خولێن ھاتینە ڤەکرن پێک دھێن ژ خولێن مونتاژ و ئەندازیاریا دەنگی و پێشکێشکاری و بەرھەم ئینانا تەلەڤزیونی و وێنەگرتن و ئەڤ خولە ژی بێ بەمرامبەر بو ھەردو قەزاێن زاخۆ و ئامێدیێ ھاتینە ڤەکرن و دنوکە دا ٦ خولان ل ھەردو قەزایان دەست پێکری یە و ٤ خولێن دیتر ژی ددەمەکێ نێزیک دا دێ ھێنە ڤەکرن و نێزیکی ٢٥٠ کەسان ناڤێن خوە تومار کرینە ب مەەرما پشکداریکرنێ.
.