برێیا ئەڤرۆ نیوز دەست ژکارکێشانا خوە ژ یانا زاخۆ راگەھاند
ئەڤرۆ نیوز، عەلی حاجی:
راھێنەرێ تیما تەپا پێ یا یانا زاخۆ ئەحمەد کازم ناما دەستژکارکێشانا خوە ب رێیا ئەڤرۆ نیوز راگەھاند ژ سەرپەرشتیا تیما تەپا پێ بۆ ھەردو خولێن ھەرێمێ و عیراقێ و ڤەگەریا بەغدا.
د ڤێ نامێ دا ئەحمەد کازم داخوازا لێبورینێ ژ پشتەڤانێن یانا زاخۆ کریە و دیارکر ژ بەر نەبوونا پشتەڤانیا تیمێ و گیروبونا بەرھەڤیێن یانێ بۆ ڤاڤارتنێن خولا عیراقێ و زێدەباری نەگەھشتنا یاریزانێن پیشەکار یێن ئیرانی و غانی و نە ئەنجامدانا راھێنانان ل ژڤانێ دەستنیشانکری کو تنێ ٤٠ رۆژ ماینە بۆ دەستپێکرنا ھەڤرکیێن دەربازبوونێ بۆ خولا نایابا عیراقێ، لەورا د شیانێن وی دانەبوو ڤی شێوەی و دابرینا ئەندامێن یانێ ب شێوەکی کو مەحالە بشێم خزمەتا یانا زاخۆ بکەم و ڤەگەرینمە خولا نایاب عيراقى لەورا نەچارم دەست ژکارێ خوە بەردەم و ھەر ئەگرۆ ڤەگەرمە بەغدا.