هه‌ردويان خيانه‌ت ل خێزانێن خوه كر
ئه‌ڤرۆ نيوز:
پارێزەرەکی ل کومەڵگەھا دادوەریا دھۆکێ راگەھاند، ژنەکێ ل گەل کەسەکێ ب ژن و خودان مال و زارۆ خیانەت ل ھەڤژینێ خوە کر، زەلام د ئەرکێ خوەدا بۆ نە دزانی ھەڤژینا وی خیانەتێ لێ دکەت و گۆت: پشتی ھەڤژینێ وێ گۆمان ژێ برین چاڤدێریا وێ کر و دیت ئەو زەلامێ بیانی ھاتە مالا وی درەنگی شەڤێ و د ژورا ویڤە کارێن نە رەوا ئەنجام دان، چەوا وی ب وی شێوەی ھەردو دیتن ئەو زەلامێ بیانی دا بەر کێران.
ئەڤرۆ، جیھان کۆرەمارکی:
پارێزەر نەوزاد سەعید دوسکی ل کومەڵگەھا دادوەریا دھۆکێ بۆ رۆژناما ئەڤرۆ دیار کر کو ژنەکێ ل گەل کەسەکێ ب ژن و خودان مال و زارۆ خیانەت ل ھەڤژینێ خوە کر و گۆت: ئەو ھەردو ل گەل ئێک بوون د کاری دا پشتی وان ھەردویا پەیوەندی ل گەل ئێک دروست کری، رۆژانە پێکڤە دئاخفتن و پێکڤە د روونشتن ل جھێ کاری، پاشی پەیوەندیا وان گەھشتە وی رادەی کارێن نە رەوا ل گەل ئێک ئەنجام دان.
پارێزەری گۆتژی: زەلامێ ژنێ ژی د ئەرکێ خوەدا بۆ نە دزانی ھەڤژینا وی خیانەتێ لێ دکەت، رۆژەکێ ژ رۆژان ژنکێ پەیوەندی ب وی زەلامی کر و گۆتێ ھەڤژینێ من ل مال نینە ئەڤ شەڤە وەرە مالا مە، ھەڤژینێ وێ ژی ھەروەکو گۆمان ژێ دبرن چاڤدێریا وێ کر دیت ئەو زەلامێ بیانی ھاتە مالا وی درەنگی شەڤێ و د ژوورا وی ڤە کارێن نە رەوا ئەنجام دان، چەوا ب وی شێوەی ھەردو دیتن ھەڤژینێ ژنێ ئەو زەلامێ بیانی دا بەر کێران داکو بمریت.
پارێزەری ھێشتا گۆت: پشتی پولیس ل جھێ روودانێ ئەمادەبووین و ئەو زەلامێ بیانی گەھاندیە نەخۆشخانێ ژ مرنێ رزگار بوو، ئەڤ کێشە ل دادگەھێ ھاتە تومار کرن و زەلامی ھەڤژینا خوە بەردا و سکالایا قانوونی ژی ل سەر ھەڤژینا خوە تومار کر ژبەرکو خیانەت لێ کر.
دوسکی ئاشکرا کر ژی کو پشتی دوسەیا وان ژ قوناغا ڤەکۆلینێ خلاس بووی و چوویە بەر سینگێ دادوەری ھەر ئێک ژ وان ب سزایێ سێ سالان ھاتنە حوکم کرن، پاشی د وی ماوەیی دا لێبورینەکا گشتی ھات حوکمێ وان ھەردویان سڤک بوو.