بنتاگۆن: دێ مه به‌رسڤه‌كا توند بۆ ئيرانێ هه‌بيت
ئه‌ڤرۆ نيوز:
له‌شكرێ ئه‌مريكى ئه‌ڤرۆ ئه‌ينيێ 14/6/2019 ئاشكراكر كو فرۆكه هه‌لگره‌كا ئه‌مريكى به‌ر ب ده‌ريا عومان كه‌فتيه رێ، ب مه‌ره‌ما ئه‌نجامدانا ڤه‌كۆلينێ ل روودانا دوهى پێنجشه‌مبى يا هێرشكرنا سه‌ر دو باپۆرێن ڤه‌گوهاستنا په‌ترۆلى.
له‌شكرێ ئه‌مريكى د راگه‌هاندنه‌كێ دا به‌لاڤكر كو ئه‌مريكا به‌رژه‌وه‌نديێن زۆر ل ده‌ڤه‌رێ يێنهه‌ين وناخوازيت ب چو شێوه‌كى ناكۆكى وململانێ وشه‌ر وهێرش بۆ سه‌ر گه‌شتيێن بازرگانى يێن ئه‌مريكىدروست ببن وهه‌موو پێنگاڤان ژى دژى وان هێرشان دێ گريته به‌ر، بۆ وێ چه‌ندێ رێككه‌فتنێن بارزگانى يێن نێڤده‌وله‌تى بهێنه بجهئينان وگه‌شتيێن بازرگانى ب ئازادى هاتنوچوونێ ل ده‌ڤه‌رێ بكه‌ن.
فه‌رمانده‌يا ناڤه‌ندى يا هێزێن له‌شكرێ ئه‌مريكى دووپات كر” بۆ ڤه‌كۆلينێ د روودانا هێرشێ ل سه‌ر دو گه‌شتيێن په‌ترۆل هه‌لگر ل ده‌ريا عومان وپاراستنا گه‌شتيێن بازرگانى ل ده‌ڤه‌رێ، گه‌شتيا جه‌نگى يا ئه‌مريكى (يو ئێس ئێس ميسۆن) به‌ر ب وێ ده‌ڤه‌رێ ب رێ كه‌فتيه ول چه‌ند رۆژێن داهاتى دێ گه‌هيته ده‌ريا عومان.
پاتريك شاناهان وه‌زيرێ به‌رگريا ئه‌مريكى ب وه‌كاله‌ت راگه‌هاند” ئه‌و گه‌شتيا له‌شكرى يا ئه‌مريكى ب ئه‌ركه‌كێ پيرۆز بۆ پاراستنا به‌رژه‌وه‌نديێن ئه‌مريكا دێ چيته ده‌ريا عومان”.
گۆت ژى” پێدڤيه ب توندترين شێوه روو ب روويێ ئيرانێ ببين، چونكى يا بوويه ژێده‌رێ گه‌فان بۆ سه‌ر ئاسايش وئاراميا سنورێن نێڤده‌وله‌تى وزيانێ دگه‌هينيته بازرگانيا نێڤده‌وله‌تى”.