تەرمێ زارویەکێ ل ھاڤینگەھا سەکران ھاتە دیتن
ئەڤرۆ نیوز، نەوزاد ھلوری:
پشتی سێ روژان ل خەندقینێ، دەمەکێ کێم بەری نوکە تەرمێ زارویەکێ گەشتیار ل ئاڤا ھاڤینگەھا سەکران ل سنوورێ قەزا چۆمان ھاتە دیتن.
عەمید عیماد رێکانی، رێڤەبەرێ بەرەڤانیا باژێری ل سوران بۆ ئەڤرۆ نیوز گوت: (چەند روژێن بوری، ھژمارەکا گەشتیارێن قەزا چەمچەمال سەرەدانا ھاڤینگەھا سەکران ل سنوورێ قەزا چۆمان کربو، ئێک ژ وان گەشتیاران کو زارویەکێ چوار سالی بو ل گەل خێزانا خوە ھاتبوو، کەفتە دناڤ ئاڤا سەکران دا و خەندقی).
زێدەتر گوت: (پشتی لێگەریانەکا زۆر سوپاس بۆ خودێ دەمەکێ کێم بەری نوکە تەرمێ وی زارۆکی ژلایێ تیما نقومزانێن دەڤەرێ ھاتە دیتن، کو ناڤێ وی ئارام ھێمن ئیسماعیلە، تەرمێ وی بۆ نوژداریا داد ھاتە رەوانەکرن).
