١٥ پرۆژە بۆ رزگاربوویێن ئێزدی ھاتنە ڤەکرن
دھۆک، لەزگین جوقی:
سەرۆکا رێکخراوا رۆژا شنگال بۆ مافێ مرۆڤی دیار کر کو ژ پرۆژی بەردەوامیدان ب ژیانێ ١٥ پرۆژێن بچووک بۆ رزگاربوویان ل کەمپێن پارێزگەھا دھۆکێ ھاتنە ڤەکرن.
ریسالە شەرکانی، سەرۆکا رێکخراوا رۆژا شنگال بۆ مافێ مرۆڤێ دیار کر کو ب ھەماھەنگی دگەل فەرمانگەھا رێکخراوێن نەحکومی ل بەغدا ئەو شیان ١٥ پرۆژان بۆ کچ و ژنێن رزگاربووی ڤەکەن کو ل ھەر کەمپەکێ ژی پێنج پرۆژە ھاتینە ڤەکرن و گۆت: “ئارمانجا مە ژ پرۆژەی ئەوە کو کچ و ژنیێن رزگاربوویێن ئێزدی ژ ئالیی ئابووری ڤە ببنە خودان داھات، داکو بشێن پشتبەستنێ ل سەر خوە بکەن بۆ ب خودانکرنا خوە و خێزانێن خوە، پرۆژە ب پشتەڤانیا دارایی یا بەنکا ناڤەندی یا عیراقێ دھێتە کرن”.
ریسالێ ئەو ژی ئاشکرا کر کو ئەڤ پرۆژە بووینە جھی خوشحالیا کچ و ژنیێن رزگاربووی و کارگێریا کەمپان ژی ل شاریا و باعەدرێ و جەم مشکۆ ژی خوشحال بووینە ب ڤەکرنا ڤان پرۆژێن پشتەڤانیێ و ھەڤکاریا خوە نیشا داینە بۆ سەرخستن و بەردەوامیدان ب ڤان جۆرە پرۆژان.