ئەمریکا بنگەهەکێ دی یێ سەربازی ئاڤا دکەت
ئەڤرۆ نیوز:
ل گۆر دەزگەهێن راگەهاندنا ئەمریکا هێزێن وی وەلاتی ل سەر سنورێ عیراقێ و سووریێ و ل دەڤەرا باغۆزێ کو بەری نها ژ ئالیێ هێزێن سووریا دیموکرات ڤە ژ دەستێ داعشێ هاتبوو رزگار کرن، بنگەهەکێ دی یێ سەربازی ئاڤا کرینە و هژمارەکا زێدە چەکێن گران ژی لێ هاتینە بجهکرن.
چاڤدێرێن سیاسی ژی دیار دکەن ئارمانجا سەرەکی یا ئەمریکا ژ ئاڤاکرنا وی بنگەهێ بۆ هندێ یە دا رێ نەدەت چەکدارێن سەر ب ئیرانێ ژ عیراقێ دەربازی سووریێ ببن.
