نوونه‌رێن کوردستانێ ئه‌ڤرۆ ل پایته‌خت و باشورێ عیراقێ د سه‌رکه‌فتی بوون
ئه‌ڤرۆ نیوز، هه‌ژار مه‌عروف:
هه‌رسێ نوونه‌رێن هه‌رێما کوردستانێ ئه‌ڤرۆ شیان سه‌رکه‌فتنێ ل به‌غدا یا پایته‌ختێ عیراقێ و باژێرێ که‌ربه‌لا یێ باشورێ عیراقێ توماربکه‌ن د قوناغا دووماهیێ ژ خۆلا پلا ئێک یا عیراقێ یا ته‌پاپێ بۆ ده‌ربازبوونێ بوو خۆلا پلا نایاب.
د کوما دوێ دا زاخۆ شیا سه‌رکه‌فتتا دوێ ل دیڤ ئێک توماربکه‌ت پشتی ب سه‌رکه‌فتی ل سه‌ر یانا رومادی ب سێ گولان بێ به‌رامبه‌ر و خالێن خوه گه‌هاندنه شه‌ش خالان و برایه‌تی شیا سه‌رکه‌فتنه‌کا گرنگ ل سه‌ر مێڤاندارا ڤێ کومێ یانا سیناعه توماربکه‌ت ب دو گولان به‌رامبه‌ر گوله‌کێ و برایه‌تی خالێن خوه گه‌هاندنه ٤ خالان و یێن سیناعه هه‌ر مان ٣ خال ژ دو یاریان.
د کوما ئێکێ دا یانا گازا باکور شیا سه‌رکه‌فتنا خوه یا ئێکێ توماربکه‌ت پشتی ب سه‌رکه‌فتی ل سه‌ر مێڤاندرا وێ کومێ یانا که‌ربه‌لا ب گوله‌کێ بێ به‌رامبه‌ر و خالێن خوه گه‌هاندنه سێ خالان ژ دو یاریان