دو یاریزانێن به‌رازیلی سه‌رکێشیا هه‌ولێری کر
ئه‌ڤرۆ نیوز،هه‌ژار مه‌عروف:
هه‌ردو پیشه‌کارێن به‌رازیلی مارسێل و تیاگو سه‌رکێشیا تیما ته‌پا پێ یا هه‌ولێرێ کر بوو سه‌رکه‌فتنا ١٢ ل وه‌رزێ ئه‌ڤ ساله پشتی شیاین پاشکه‌فتنا تیما خوه بکه‌نه سه‌رکه‌فتن ب سێ گولان به‌رامبه‌ر گوله‌کێ ل گه‌ل یانا به‌حری ژ چارچوڤێ یاریێن گه‌را ٣٦ ژ خۆلا پلا نایاب یا عیراقێ.
تیما ته‌پا پێ یا به‌حری ل نیڤا ئێکێ یا پێشکه‌فتی بوو ب گوله‌کێ بێ به‌رامبه‌ر و ل نیڤا دوێ راهێنه‌رێ یانا هه‌ولێر پشت به‌ستن ل سه‌ر هه‌ردو پیشه‌کارێن خوه یێن به‌رازیلی مارسێل و تیاگو کر و ل گه‌ل هاتنا ئه‌وان یاریزانان شیان هه‌ر زیکا کونترولا یاریێ بکه‌ن ئه‌و بۆ ل گه‌ل هاتنا تیاگو شیا ب سه‌ری ته‌په‌کێ ئارسته‌ی گولا به‌حری بکه‌ت و ب ئاسنێ گولێ دکه‌ڤیت و هه‌ڤالێ وی نیاز محه‌مه‌د مڤا ژ ڤه‌گه‌راندنا وێ ته‌پێ بین و گولا وه‌کهه‌ڤیێ بۆ یانا خوه توماركر ل ده قيقا ٦٢ پاش ل ده‌قیقا ٦٩ مارسێل گولا دوێ بۆ یانا هه‌ولێر تومارکر پشتی مڤا ژ پاسا جوان یا هه‌ڤالێ خوه تیاگو دیتی و ستێرا ڤێ یاریێ مارسێل شیا گولا سێ ژی ل ده‌قیقا ٨٥ بۆ یانا خوه توماربکه‌ت و سه‌رکێشیا تیما خوه کر بوو سه‌رکه‌فتنا دوازدێ ل وه‌رزێ ئه‌ڤ ساله و ب ڤی ئه‌نجامی هه‌ولێر خالێن خوه گه‌هاندنه ٤٧ خالان ژ ٣٦ یاریان ل وه‌رزێ ئه‌ڤ ساله.
