ل دێره‌لۆك ده‌ست ب سه‌ر هژماره‌كا كه‌ره‌ستێن ئێكسپایر دا هاته گرتن
ئه‌ڤرۆ نیوز ، مه‌حمود نهێلى
د هه‌وه‌كى دا لژنا دووڤچوونا بازارى ل دێره‌لۆك ل هنده‌ك ماركێتێن ده‌ڤه‌رێ ئه‌ڤرۆ سێشه‌مبى 16/7/2019 ده‌ست ب سه‌ر هژماره‌كا كه‌ره‌ستێن ئێكسپایر دا هاته گرتن.
سامى ئوشانه، رێڤه‌به‌رێ ناحیا دێره‌لۆك بۆ ئه‌ڤرۆ نیوز دیاركر، كو به‌رده‌وام لژنا وان دووڤچوونا بازارى دكه‌ت و گۆت: (ئه‌ڤرۆ ژى لژنا مه كو ژ نوونه‌راتیا چه‌ند فه‌رمانگه‌هان پێك دهێت د هه‌وه‌كى ل بازارێ دێره‌لۆك ده‌ست ب سه‌ر چه‌ند كه‌ره‌ستێن ئێكسپایر دا گرتن و ژناڤبرن).
دیار كر ژى كو چه‌ندین جهێن دى یێن سه‌رپێچكار هاتینه ئاگه‌هداركرن كو وان سه‌رپێچیان راكه‌ن، هه‌كه نه دێ هێنه سزادان و ل سه‌ر ڤێ یه‌كێ بنگه‌هێ پولیسان هاته ئاگه‌هدار كرن.